Kah la 1:8 - Tedim Bible Revision 2017

⁸ A minthanna teng a bei ta hi. A guaktangin om ahih manin a maizum hi. Thumin tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Tedim Bible

⁸ A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Kah la 1:8 Referans Kwoze

Kah la 1:11

Amaute, a thum kawm sa-in annek zong dingin a paikhia uh hi. A nuntak theih nadingun a sum a pai uh tawh an a khek uh hi. Khuapi in, “Hong en in Topa aw, ka thuakna teng hong mu in,” ci-in a kiko hi.

Jeremiah 13:26

Kei mahmah in na nik kong hawksak dinga, kong maizumsak ding hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawk gawp a, a hong kibuan gawp ahi hi.

Mangmuhna 3:18

Tua ahih manin na hauh theih nadingun kei kiang panin kham citak hong lei-in a zumhuaipi-in guaktang a na omna uh na kisel nadingun puan pak hong lei unla, khua na muh theih nadingun mit zatui hong lei un.

Hosea 2:10

Tua ciangin ama it pasal dangteʼ muhna ah a puante hawk khiatsakin a guaktangin ka omsak dinga, kuamah in keiʼ khut sung panin hon khia zo lo ding hi.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a om mah bangin, a puan teng hawk khiatsakin a guaktangin ka omsak dinga, a keu, bangmah a po zawh lohna gamlak bangin ka bawl dinga, dangtakin a si ding hi.

Ezekiel 23:46

“Topa Pasian in hih bangin ci hi: Amaute lausak gawpin a nate uh a sut gawp dingin mihon khat paisak in.

Ezekiel 23:29

Amaute zong nangma tungah hong muhdah gamtat ding uh a, na thalawh sa na khempeuh hong laksakin na hawmguakin hong nusia ding uh hi. Na paktat gamtatna teng hong kipholak ding hi. Na hukna le na paktat gamtatna in

Kah la 4:21

Edom le Uz mite aw, tu-in nuinui mai unla, ahih theih lai teng kipak un. Bang hang hiam cih leh siatna hun hong tung dinga, a hong tun ciangin na guaktangun omin, maizumin na om ding uh hi.

Kah la 2:10

Jerusalem puteekte pau loin leilak ah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Jeremiah 34:17

Tua ahih manin Topa in kong cih in ah: Mi khempeuh in na sanggam na mipihte uh khah khia loin, suahtakna pia loin ka thu hong mang lo na hih uh leh, en un, Topa in kong cih in ah, note hong khah khia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khah khia a, kong suaktasak hi. Leitung gam khempeuhteʼ hong lipkhap dingin kong bawl hi.

Jeremiah 24:9

Amaute ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Jeremiah 15:4

Judah kumpi Hezekiahʼ tapa Manasseh in Jerusalem khua ah hih bangin a bawl thu leitung gam khempeuhte in mu-in a lau ding uh hi.

Jeremiah 6:28

A vekpi-un kei hong langpan tentan uh a, zuau thu a gen kawikawi uh hi. Sumngo le sik bangin khauh mahmah uh a, a vekpi-un a siat gamtat khin uh hi.

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Isaiah 47:3

Na seelsim teng kilang dinga, na zumhuaina teng kimu ding hi. Keimah in kong thukkik dinga, kuamah ka zah kei ding hi.

1 KUMPI MASATE 9:9

Tua ciangin amaute in, ‘Egypt panin a pu a pate uh a paikhiatpih Topa a Pasian uh amaute in nusia-in pasian dangte len uh a, tuate bia-in a na a sepna hang uh ahi hi. Tua ahih ciangin Topa in hih siatna khempeuh amaute tungah tungsak hi,’ ci ding uh hi,” a ci hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

1 KUMPI MASATE 9:7

amaute ka piak sa leitang panin Israel mite ka la khia ding hi. Tua ciangin ka min dingin ka ap sa biakinn pen ka muhna panin ka lawn khia dinga, Israel-te pen mi khempeuh lakah paunak le thu gentehna suak ding hi.

Piancilna 3:7

A nek khit phetun amau tegel in khua phawk uh a, a guaktangin a om lam uh kithei uh hi. Amaute in theitehte khui tuahin puan silh dingin a bawl uh hi.

Kah la 1:17

Hong huh un, ci-in ka khut ka vanvan hangin kuamah in a hong huh nuam kei hi. Topa in mun khempeuh panin galte hong paisak a, amaute in a kihhuai na khat bangin kei a hong gimneih uh hi.

1 KUMPI MASATE 9:6

Ahih hangin nang na hi a, na tate ahi zongin, keimah zuihna panin pialin, note mai ah ka koih ka thupiaknate le ka thukhamte na zuih kei uh a, pasian dangteʼ na a sem ding le a bia dingin na pai uh leh,

Jeremiah 32:23

Amau zong lutin a luah pah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Ezekiel 39:23

Tua ciangin kei tungah hong khialhna uh hangin Israel mite sal suak uh a, amaute nungngatin, a galte uh khut sungah pia-in gal sungah a vekun a sisak ka hihna,