Kah la 1:16 - Tedim Bible Revision 2017

¹⁶ Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Tedim Bible

¹⁶ Tua ahih manin ka mit sung pan khitui a dim letin a luang hi. Hong hehnem ding leh hong hanthawn ding kuamah a om kei hi. Galte in hong zo khin a, ka mite a cimawh uh hi.

Kah la 1:16 Referans Kwoze

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan khinta uh hi.

Kah la 2:18

Jerusalem aw, na kulhpite mahmah Topa tungah kikosak in! Sun le zanin na khitui gun tui luang bangsak in. Dahna le kahna tawh na hun beisak in.

Kah la 2:11

Ka kahkahna-in ka mit paat gawp ta a, ka lungsim gim lua mahmah hi. Ka mite a kisiatna hangin dahin husamin ka bah gawp hi. Naupangte le nungakte kongzing lakah sibup uh hi.

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang henla, kang ngei kei tahen. Bang hang hiam cih leh keima mite in nakpi takin liamna thuak uh a, nakpi takin a kisat uh hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Hosea 9:12

Amaute in ta khoi mah ta le-uh zong, suanlekhak a neih theih ma-un ka khansihsak khin ding hi. Hih mite ka nungngat ciangin amaute tungah a lungkham huai lianpite a tung ding hi.

Kah la 1:9

A kihhuaina teng kimu khia pah hi napi, gimna thuak ding ahih lam a awlmawh tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Jeremiah 9:21

Bang hang hiam cih leh tawlet vang panin sihna hong lut a, kumpipaʼ inn sungah zong sihna hong lut hi. Kongzing a naupangte vat mang a, sumbuk a tangvalte vatlum hi.

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsunkik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.

Late 69:20

Simmawhna in ka lungsim hong zo a, kei ka cimawh ta hi. Kei a hong hehpih ding mi ka zonzon hangin kuamah om lo a, hong huh ding ka zon hangin kuamah ka mu kei hi.

Jeremiah 8:18

Ka dahna dam thei lo a, ka lungsim na mahmah hi.

Late 106:42

A galte un amaute nengniam uh a, amauʼ khutnuai ah amaute a koih uh hi.

Isaiah 54:11

“Gimna a thuak, huihpiʼ nawk gawp, hehnepna a ngah lo khuapi aw, en in, na suangte, suangvui hoih tawh ka ciang dinga, na bulpite suangmanpha tawh ka hih ding hi.

Jeremiah 15:5

“Kua in nang hong hehpih ding ahi hiam? Jerusalem aw, kua in nang hong kah ding ahi hiam? Kua, hong lambaangin, damlenat kitheihsakna-in hong hawh ding ahi hiam?