Kah la 1:1 - Tedim Bible Revision 2017

¹ Khat vei lai-in mi a dimtakin a teenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhteʼ lak panin a thupi pen khuapi tu-in salin a kiman khinzo hi.

Tedim Bible

¹ Khat vei lai-a mi a dim taka a teen’na Jerusalem khuapi in bang zah ta-a gamdai ahi hiam? Leitung bup in a zahtak khuapi tu-in meigong tawh a kibang hi. Leitung khuapi khempeuhte’ lak panin a thupipen tu-in sal-in a kiman khin zo hi.

Kah la 1:1 Referans Kwoze

Isaiah 3:26

Khuapi kongpi tau-in thum ding hi. Khuapi, gamkhing suak dinga, a guaktang a om nupi leilak ah a tucip tawh kibang ding hi.

Ezra 4:20

A vanglian kumpite in Jerusalem ah uk ngei-in, Eufratis Gun gal gambup tungah aana zang uh a, siah, mangmu le losapte tua kumpite tungah kipia hi.

1 KUMPI MASATE 4:21

Solomon in Eufratis panin Filistia gam le Egypt gamgi ciang dong kumpi gam khempeuh uk hi. Amaute in siah hong puak uh a, a nuntak sung tawntung uh Solomonʼ na sem uh hi.

Isaiah 54:4

Lau kei in, maizumna na thuak kei ding hi. Cih nading thei loin om kei in; maizumin nang hong kikoih lo ding hi. Bang hang hiam cih leh na khangno lai-in na zulhtatna le na meigonna hangin hong kikonate na phawk kha nawn kei ding hi.

Zefaniah 2:15

A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.

Kah la 5:16

Kisaktheih nading bangmah om nawn lo a, mawh ihih manin gimna a thuak ihi hi.

2 KUMPI NIHNATE 23:35

Tua ciangin Jehoiakim in a ngun le a kham Faroʼ tungah pia a, ahih hangin Faroʼ thupiakna bangin tua sum a piak dingin a gam sung mite tung pan amah in siah a dong hi. Faro Neko tungah a piak dingin, amah in mi khempeuh tung panin a neihsa uh tawh kizui-in a gam sung miteʼ ngun le kham a dok hi.

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,

Ezekiel 26:16

Tuipi a zang minamteʼ kumpite, a kumpi tokhom tung uh panin kum khia ding uh a, a kumpi puante uh le a puan hoih silhte uh suah khia-in, leilak ah tu-in, lau-in a liing ding uh hi. Nangma thuakna hong muh manun lau mahmah ding uh a, a ci-lin uh pha thei lo ding hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

Kah la 2:10

Jerusalem puteekte pau loin leilak ah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Kah la 2:1

Topa in a heh manin Jerusalem khuapi a mialcipsak hi. A vantung minthanna teng uh kisiatna a suaksak hi. Amah in a heh ni-in a Biakinnpi nangawn a susia hi.

Jeremiah 50:23

Leitung khempeuh sekpi bangin a satkham Babylon khuapi, tu-in tua sekpi kitanin kitam ta hi. Gamdangteʼ lakah tu-in Babylon khuapi a mulkimhuai a suakta hi.

Jeremiah 40:9

Ahikamʼ tapa, Shafanʼ tupa Gedaliah in zong amaute kiangah kiciamin gen a, “Babylon miteʼ khutnuai ah na om ding uh kihta tuan kei un. Hih gam sung mahah om unla, Babylon kumpipaʼ na sepsak le-uhcin note tungah thusia bangmah om lo ding hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Isaiah 52:7

Thuhoih hong puak, kilemna thu a genzak, thuhoih thupha a hong puak, hotkhiatna thu a genzak, Zion tungah, “Na Pasian in uk hi,” ci-in mualte kantanin thu hong gen kamtai pa bangzahin hoih ahi hiam?

Isaiah 52:2

A kimancip Jerusalem mite aw, leivui panin kising khia unla ding to un. A kiman Zion mite aw, na ngawng panun hong kihenna khaute sut khia un.

Isaiah 14:12

“Nang Khuavakʼ ta, Zingsol, Babylon kumpipa aw, vantung panin nang bangci kiat na hi hiam? Minamte a niamkoih pa ahi nangmah leilak dongah hong bangci kiphuk pai ahi hiam?

Nehemiah 9:37

Tu-in leitang tunga piang khempeuh pen koteʼ mawhna hangin koteʼ tungah nong koih kumpite tungah tung ta hi. Tua kumpite in kote tungah thu hong nei-in, ka ganhingte uh a ututun hong hihsak uh a, kote lungkham mahmah in ka om uh hi,’ ci un,” a ci uh hi.

Nehemiah 5:4

Pawl khatte in kumpipa tungah siah piak dingin a lote uh le a leenggui lote uh khamin a piakna uh hong gen uh hi.

2 KUMPI NIHNATE 23:33

Tua ciangin amah in Jerusalem a uk theih loh nadingin Faro Neko in Hamath gam sung Riblah khua ah amah kol bulh a, Judah mite tung panin ngun talen za khat le kham talen khat siah a kai hi.

Isaiah 50:5

Topa Pasian in thu theihtelna hong guan hi. Amah ka lehdo kei a, zong ka nungngat kei hi.

2 KHANG TANGTHU NIHNATE 9:26

Amah in Eufratis panin Filistia gam ciang le Egypt gamgi ciang dong kumpi khempeuh a uk hi.

Isaiah 49:21

Tua ciangin na lungsimah, ‘Kua in keima adingin hih mite hong hin khiatsak ahi hiam? Kei hong kinusia-in tang-awlin ka om a, salin hong kikoihin hong kipaikhiat pih hi. Hihte kua in hong khoisak ahi hiam? Keimah guakin hong kinusia hi. Tua ahih manin koi lai panin hihte hong piang ahi hiam?’ na ci ding hi,” a ci hi.

Jeremiah 31:7

Bang hang hiam cih leh Topa in kong cih in ah, “Jakob adingin lungdamna tawh ngaih takin la sa unla, gam khempeuh lakah gam lian pen adingin kiko-in awng un. ‘Topa in Israel mi a omlaite, ama mite hong hon khia khinzo hi,’ ci-in taangko unla phat un.

Jeremiah 42:2

kei kiangah, “Kong thumna uh hong ngai inla, a hong kinusia ko teng adingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hi ta uh hi.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizang ah ka koih a, a kimkot ah gamdang khempeuh ka omsak hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak dinga, nomauʼ hong biakna a gim namtuite ka diik kei ding hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

Jeremiah 44:2

“Vanglian Topa, Israel miteʼ Pasian in kong genin ah: Note in Jerusalem khua le Judah gam khuapi khempeuh tungah ka tunsak gimna na mu zo uh hi. En un, tu ni-in tua khuate a sia sa mahin om lai a, kuamah teeng lo hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tu ni-a na muh uh bangin tuate kisia-in gamlak suak khinta hi.

Kah la 1:19

Ka kipawlpihte ka sapsap hangin a hong huh nuam kei uh hi. A nuntak nading uh an a zonna lamun siampite le makaite kongzing lakah a si uh hi.

Ezekiel 26:2

“Mihing ahi Ezekiel aw, Taia khuapi mite awngin hih bangin kiko uh hi. Amaute in, ‘Sumbawlna lam a i kidem pih Jerusalem khuapi zancip gawp hi. A kulhpite tu-in kihong kek a, amauteʼ guallelhna tu-in eima hauhna suak ding hi,’ ci uh hi.