Joshua 9:18 - Tedim Bible Revision 2017

¹⁸ Ahih hangin, Topa, Israel Pasian min tawh mihonteʼ makaite kiciam zo uh ahih manin Israel mite in amaute that lo uh hi. Tua ciangin makaite tungah mihon khempeuh phun uh hi.

Tedim Bible

¹⁸ Ahih hangin Topa, Israelte Pasian min tawh mihonte’ makaite kiciam zo ahih manin Israel mite in amaute that lo uh hi. Tua ciangin makaite tungah mihon khempeuh phun uh hi.

Joshua 9:18 Referans Kwoze

Late 15:4

migilote thusim lo a, ahi zongin Topa a zahtakte a pahtawi mi, ama nat nading nangawn ah a ciampel lo mi,

Thuhilh-sia 9:2

Bang hang hiam cih leh mi khempeuh a thumong kibang a, midikte le migilote, mihoihte le misiate, mi siangte le mi ninte, biakna piate le a pia lote, a thutawpna uh a vekpi-in kibang lel hi. Mawhnei pa sangin mihoih pa hampha zaw tuan lo a, thuciamna a bawl lopa sangin a bawl pa hampha zaw tuan lo hi.

Thuhilh-sia 5:6

Khial kha ing, ci-in Pasianʼ siampipaʼ mai ah na gen ding kisam kha ding ahih manin na kampauna hangin khial kha kei in. Tua bangin gamta khial lecin nangma tungah Pasian heh dinga, na sep sa khempeuh hong suksiatsak ding hi.

Thuhilh-sia 5:2

Thu ngaihsun masa-in pau inla, Pasianʼ tungah thu mawk ciam pak kei in. Vantungah Pasian om a, leitungah nang om na hih manin na pau ding a kilawm zahval pau kei in.

2 SAMUEL NIHNA 21:7

Ahih hangin kumpipa in amah le Saulʼ tapa Jonathanʼ kikalah a om, Topa tawh kiciamna hangin Jonathanʼ tapa, Saulʼ tupa Mefibosheth a siit hi.

Joshua 9:17

Israel mite ding khia uh a, a ni thum ni-in amauteʼ khuapite a ban uh hi. Amauʼ khuapite pen Gibeon, Khefirah, Beeroth le Kiriath-jearim na hi hi.

Joshua 9:19

Ahih hangin makaite khempeuh in mihon khempeuh tungah, “Topa, Israel Pasian min tawh amaute tungah i kiciam zo a, tu-in amaute i su thei kei ding hi.

Gamlak-vakna 30:3

“Tua ahih kei leh, numei khat in Topaʼ tungah thuciamna bawlin, a paʼ inn sungah nungakin a om sungin kamciamna tawh amah kikhih tawm a,

Thu-hilhkikna 23:22

Ahih hangin thuciamna bawl ding pan na kikep uh leh noteʼ sungah khialhna om lo ding hi.

Thu-hilhkikna 23:23

Na kam uh tawh na ciam sa uh thu pen Topa noteʼ Pasianʼ tungah nomau utthu-a na ciam uh ahih manin na kam uh panin a ging khia peuhmah na tunsak ding uh na ngaihsun ding uh hi.

Thu-hilhkikna 23:24

“Na veengpaʼ leenggui lo ah na pai uh ciangin na ut zahzah uh na kham dong uh leenggah na ne thei ding uh a, ahih hangin na van sung uh ah na guang kei ding uh hi.