Biblia Todo Logo
Bib sou entènèt

- Piblisite -




Joshua 7:9 - Tedim Bible Revision 2017

9 Bang hang hiam cih leh Kanaan mite le hih gam a teeng mi khempeuh in hih thu za ding uh a, kote hong umcihin leitung panin kote hong phiat khia mang ding uh hi. Tua ciangin a lian mahmah nangma min bang cih ding na hi hiam?” a ci hi.

Gade chapit la Kopi

Tedim Bible

9 Bang hang hiam cih leh Kanaan mite leh hih gam-a teeng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi; tua ciangin a lian nangma min bang cih ding na hi hiam?” a ci hi.

Gade chapit la Kopi




Joshua 7:9
19 Referans Kwoze  

Bang hangin Egypt mite in, ‘Mual tungah amaute a that ding le leitung panin amaute a beisak dingin siatna ngaihsutna tawh amah in amaute paikhiatpih hi,’ ci ding uh ahi hiam? A kihtakhuai na hehna daisak inla, na lungsim kheelin na mite tungah hih siatna tungsak kei in.


Amaute in, “Hong pai un, minam khat hihna panin amaute beisak ni. Israel min peuhmah kiphawksak nawn kei ni!” ci uh hi.


Pa aw, nangma min thangsak ta in,” a ci hi. Tua ciangin vantung panin aw khat hong ging a, “Ka thangsak zo a, khatvei ka thangsakkik ding hi,” a ci hi.


Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.


Ahi zongin Egypt gam panin no Israel mite kong paikhiatpih ding hi, ci-in amauʼ ompih miteʼ zakin gen khin ka hih manin, tua bangin gim thuaksak leng keima min a daisak suak ding, cih ngaihsutna hangin gim ka pia kei hi.


Tua bang hikeileh kote nong paikhiat pihna gam mite in, “Topa in amaute tungah a ciam sa leitang ah amaute paipih zo loin, amah in amaute mudah ahih manin, sehnel gamah amaute a that dingin paikhiatpih hi,” ci kha ding uh hi.


Ahih hangin Moses in Topaʼ kiangah, “Tua bang hileh Egypt mite in hih thu za ding uh hi; bang hang hiam cih leh amauteʼ lak panin na thahatna tawh hih mite na paikhiatpih hi.


Topa aw, Israel-te a galte uh mai ah a nungkik uh ciangin bang gen thei ding ka hi hiam!


Topa in Joshua kiangah, “Tho in, bang hangin tua bangin lei ah bok na hi hiam?


Topa in ama min a khualna-in ama mite paai khia lo ding hi; bang hang hiam cih leh ama mi-in note hong bawl nadingin Topa lungkim khin hi.


Pasian aw, na min in leimong dong a zelh bangin, nangmah hong kiphatna in zong a zel hi. Na taklam khut gualzawhna tawh a kidim hi.


Kote a hong hon khia Pasian aw, nangma min a than nadingin kote hong huhin, nangma min hangin kote hong khah khia-in, ka mawhnate uh hong maisak ta in.


Amaute in siat nading geelin kithukhat uh a, nangmah hong langpangin thuciamna a bawl uh hi.


Kote tungah hi loin, Topa aw, kote tungah hi loin, na itna kip le na thumanna hangin nangma tungah minthanna om tahen.


Tua hun ciangin ka galte in hih thu hong mu ding uh a, “Na Topa Pasian, koi ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisik gawp mu-in, kei ka nuam ding hi.


Swiv nou:

Piblisite


Piblisite