Joshua 7:25 - Tedim Bible Revision 2017

²⁵ Tua ciangin Joshua in, “Bang hangin kote tungah gimna hong tun na hi hiam? Tu ni-in Topa in nang tungah gimna hong pia hi,” a ci hi. Tua ciangin Israel-te khempeuh in suang tawh Akhan a deng lum uh hi. Amaute in a innkuan pih dangte le a neihsate uh zong suang tawh deng lumin a hal uh hi.

Tedim Bible

²⁵ Tua ciangin Joshua in, “Bang hangin ko tungah gimna hong tun’na hi hiam? Tu ni-in Topa in nang tungah gimna hong tun’ hi,” a ci hi. Tua ciangin Israelte khempeuh in suang tawh amah deng uh hi; amaute in mei tawh amaute hal uh a, suang tawh amaute deng lum uh hi.

Joshua 7:25 Referans Kwoze

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-teʼ giahphual sungah siat nading na khat suaksakin haksatna na tun kha ding uh hi.

1 KHANG TANGTHU MASATE 2:7

Karmiʼ tapa: A ki-ap nate ah a khial, Israel mite a nawngkaisak Akhan ahi hi.

Thu-hilhkikna 17:5

numei ahi a, pasal ahi zongin tua banga a sia-in a gamta mi pen na khua pua uh ah na paipih ding uh a, tua numei ahi a, pasal ahi zongin suang tawh na deng lum ding uh hi.

Siampi Laibu 24:14

“A samsia mipa pen giahphual pua lamah paipih in. Ama samsiat a za mi khempeuh ama lu tungah amauʼ khut ngasak inla, mihonte khempeuh amah deng lumsak in.

Siampi Laibu 20:2

“Israel mite kiangah hih bangin gen in: Israel mite khat peuhpeuh hitaleh Israel sunga a peem khual mite hitaleh, a tate khat peuhpeuh Molek pasian tungah a pia mipa kithat dinga, mihonte in suang tawh deng lum ding uh hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

2 THESALONIKA NIHNA 1:6

Pasian in a manin na sem ding ahih manin note a hong gimsak mite tungah Pasian in gimna pia dinga,

Galati 5:12

No hong lungkhamsak mite in a maban uh nawtsuak uh henla, a ut leh a pasal na teng nangawn uh at khia mangkhin vet uh hen!

Joshua 7:15

Tua ciangin a ki-ap nate tawh a kilakhawm mipa le a neih khempeuh, mei-in kihal ding hi. Bang hang hiam cih leh amah in Topaʼ thuciamna palsat hi. Israel sungah a zumhuai-in a gamta ahi hi,’ ci in,” a ci hi.

Thu-hilhkikna 21:21

Tua ciangin khuapi pasal khempeuh in suang tawh amah deng lum ding uh hi. Tua bangin noteʼ sung panin siatna na siangsak ding uh hi. Tua hileh Israel-te khempeuh in za-in lau ding uh hi.

Thu-hilhkikna 13:10

Salsuahna ahi Egypt gam panin a hong paikhiatpih Topa na Pasian uh kiang panin note hong paikhiatpih ding ngaihsun ahih manin suang tawh amah na deng lum ding uh hi.

Siampi Laibu 21:9

Siampipa khat peuhpeuhʼ tanu in paktatna tawh amah le amah a kidaisak leh, ama pa a daisak ahi hi. Tua nu mei tawh kihal lum ding hi.

Siampi Laibu 20:14

Pasal khat in zi nei-in, a ziʼ nu tawh zong a lak thuah leh, tua pen a kilawm lo ahi hi. Note lakah tua bang kilawm lohna a om loh nadingin tua pa le a nutate, mei tawh kihal lum ding hi.

Piancilna 38:24

Tua zawh kha thum ciangin Judah tungah, “Na monu Tamar paktatin gamta hi. Tua tham loin paktatna tawh naupaii hi,” ci-in kigen hi. Judah in, “Amah paikhiatpih un; amah kihal tum hen,” a ci hi.

Piancilna 34:30

Tua ciangin Jakob in Simeon le Leviʼ kiangah, “Hih leitang ah a teeng, Kanaan mite le Perez mite tungah kei a muhdahhuai-in nong bawlna uh tawh keiʼ tungah haksatna nong tun uh hi. Keiʼ pawl mite tawm hi. Amaute keiʼ langah hong kikaikhawmin kei hong sim leh, kei le ka innkuanpihte hong susia ding uh hi,” a ci hi.

1 SAMUEL MASA 14:29

Tua ciangin Jonathan in, “Ka pa in gam sung nawngkaisak hi; hih khuaizu tawmno khat ka ciapna hangin ka tha a hatkikna mu un.

Thu-hilhkikna 13:11

Tua ciangin Israel-te khempeuh in za-in lau ding uh a, hih banga gitlohna note lakah bawlkik ngei nawn lo ding uh hi.

Paunak 1:19

Zawhthawh thu tawh miʼ na a sutte in sih lawh tawntung zaw a, hih bangin a gamtate in tua bangmah tuak ngitnget hi.

Paunak 15:27

A man loin sum ngahna in inn sung lungkhamsak a, sumgolh a deih lote a nuntak sauvei nuam hi.