Joshua 7:2 - Tedim Bible Revision 2017

² Joshua in Jerikho panin Bethel nisuahna lam Bethaven gei-a om Ai khua ah mi sawlin amaute kiangah, “Pai to unla a gam va en un,” a ci hi. Tua mite pai to-in Ai khua va ensim uh hi.

Tedim Bible

² Joshua in Jerikho panin Beth-el nisuahna lam, Beth-aven gei-a om Ai khua-ah mi sawl a, amaute kiangah, “Paito un la a gam va ensim un,” a ci hi. Tua mite paito-in Ai khua va ensim uh hi.

Joshua 7:2 Referans Kwoze

Joshua 18:12

Leilu lamah amauʼ gamgi pen Jordan panin kipan a, Jerikho leilu lam liangko ah pai to-in, tua panin mual tung gam nawkin nitumna lamah pai a, Bethaven sehnel gamah a tawp hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

1 SAMUEL MASA 14:23

Tua ahih ciangin Topa in Israel-te tua ni-in hon khia a, gal kidona in Bethaven a kheng hi.

1 SAMUEL MASA 13:5

Tua ciangin Israel-te tawh a kido dingin Filistia-te kikhawmin, leeng tul sawm thum, sakol galkap tul guk le a galkapte tuipi gei-a sehnel zahin tampi pha uh hi. Amaute hong pai to-in Bethaven nisuahna lam Mikmash ah phual sat uh hi.

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Paunak 24:6

Geel siamna tawh galte kizo a, ngaihsut siamna tawh gualzawhna kingah hi.

Paunak 20:18

Hoihtakin geelna tawh nasepna tangtung hi. Geelna kician om lopi-in galsim dingin kipan kei in.

Piancilna 12:8

Tua ciangin Bethel panin nisuahna lam mualah amah kinkikin a puanbuk lam a, nitumna lamah Bethel, nisuahna lamah Ai om hi. Tua lai munah zong amah in Topa adingin biakna tau khat bawl a, Topaʼ tungah thu a ngen hi.

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

Nehemiah 11:31

Tua ciangin Geba, Mikmash, Aija, Bethel le a khuaneute,

Joshua 12:9

A zawh uh kumpite: Jerikho kumpi, khat; Bethel gei-a om Ai kumpi, khat;

Joshua 2:1

Tua ciangin Nunʼ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei numei paktat nuʼ inn ah tungin giak uh hi.

Piancilna 28:19

Amah in tua mun Bethel ci hi. Ahih hangin a masa-in tua khua min pen Luz ahi hi.

Joshua 7:3

Amaute Joshua kiangah hong ciahkikin ama kiangah, “Mi khempeuh kuan tosak kei inla, mi tul nih ahi a, tul thum ahi zongin kuan tosakin Ai khua simsak in. Amaute mi tawmno khat ahih manin tua lai ah mi khempeuh gim tosak kei in,” a ci uh hi.

1 SAMUEL MASA 30:27

Tua nate pen Bethel, Negeb gam sunga om Ramoth le Jattir,

Jeremiah 49:3

Heshbon khua mite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

1 KUMPI MASATE 12:29

Amah in Bethel ah khat koihin, Dan ah a dang khat a koih hi.

Isaiah 10:28

Rimmon gam pan galte hong kipanin Aiath khua hong tung uh a, Migron khua kantanin hong pai uh a, Mikmash khua ah a van uh hong seng uh hi.