Joshua 7:16 - Tedim Bible Revision 2017

¹⁶ Tua ahih ciangin zingsangin Joshua tho baihin, a namnamin Israel-te hong paipih a, Judah minam kila hi.

Tedim Bible

¹⁶ Tua ahih ciangin zingsangin Joshua tho baihin, a nam namin Israelte hong paipih a, Judah minam kila hi;

Joshua 7:16 Referans Kwoze

Thuhilh-sia 9:10

Na mai ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Late 119:60

Kei kinawhin, na thupiakte zuih ding ka zekai kei hi.

Joshua 3:1

A zing ciangin Joshua tho baihin Israel mi khempeuh tawh Shittim pan ding khia-in Jordan gun tung uh a, a gal kah ma-un tua munah a giak uh hi.

Piancilna 22:3

Tua ahih ciangin zingsangin Abraham tho baih a, a la tutphah vawhin, ama nasem tangval nih le a tapa Isaac a paipih hi. Amah in meihal biakpiak nadingin sing ek a, ama tunga Pasianʼ gen sa munah a pai hi.

Joshua 7:15

Tua ciangin a ki-ap nate tawh a kilakhawm mipa le a neih khempeuh, mei-in kihal ding hi. Bang hang hiam cih leh amah in Topaʼ thuciamna palsat hi. Israel sungah a zumhuai-in a gamta ahi hi,’ ci in,” a ci hi.

Joshua 7:17

Tua ciangin amah in Judah behte hong paipih a, Zerah-te beh kila hi. Amah in Zerah-te beh a mimi-in hong paipih a, Zabdi kila hi.

Thukhente 20:19

Tua ciangin Israel mite zingsangin tho-in Gibeah khua a sim dingin giahphual a sat uh hi.