Joshua 4:3 - Tedim Bible Revision 2017

³ amaute thu pia-in, ‘Siampiteʼ khe a dinna mun mahmah, Jordan gun laizang panin suangtum sawm le nih la unla, a galah pua-in tu nitakin na giahna uh munah koih un,’ ci in,” a ci hi.

Tedim Bible

³ amaute thu pia-in, ‘Siampite’ khe a din’na mun mahmah, Jordan gun laizang panin suangtum sawm-le-nih la un la, a galah pua-in tu nitak-a na giahna uh munah koih un,’ ci in,” a ci hi.

Joshua 4:3 Referans Kwoze

Joshua 4:8

Joshuaʼ thupiak bangin Israel mite gamta uh a, Topa in Joshua a thupiak bangin Israel minam a phazah tawh kizui-in Jordan laizang panin suangtum sawm le nih a la uh hi. Amaute in a giahna uh munah tuate pua-in a koih uh hi.

Joshua 3:13

Leitung buppiʼ Topa ahi Topaʼ Thuciamna Singkuang a pua siampiteʼ khete in Jordan tui a sik ciangin Jordan tuite luang nawn lo dinga, a tung lam panin hong luang suk tuite lom khatin khawl ding hi,” a ci hi.

Luka 19:40

Jesu in, “Keʼn kong cih in ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi.

Late 103:2

Topa ka phat dinga, ama migitna ka mangngilh kei ding hi.

Late 11:4

Topa a biakinn siangtho sungah om a, Topaʼ tokhom vantungah om hi. Amah in mihingte hong en a, mihingteʼ gamtatna khempeuh a thei tel hi.

1 SAMUEL MASA 7:12

Tua ciangin Samuel in suangtum khat la-in Mizpah le Jeshanah kikalah phut a, a min Ebenezer a phuak hi; bang hang hiam cih leh amah in, “Hih pen Topa in eite hong huhna teci ahi hi,” a ci hi.

Joshua 24:27

Tua ciangin Joshua in mi khempeuh kiangah, “En un, hih suangtum pen eiteʼ lang khat ah teci hi ding hi. Bang hang hiam cih leh Topa in eite tungah hong thugen khempeuh hih suangtum in za khin hi. Tua ahih ciangin note, na Pasian uh tungah a man loin na gamtat loh nadingun hih suangtum pen noteʼ lang khat ah teci hi ding hi,” a ci hi.

Piancilna 28:22

khuamin ka phuh sa hih suang pen Pasianʼ inn hi ding hi. Keima tungah nangmah in nong piak khempeuh sawm-ah-khat nangʼ tungah kong piakik ding hi,” a ci hi.

Joshua 4:4

Tua ciangin Joshua in nam khat panin mi khat, ama seh sa mi sawm le nihte Israel mite lak panin a sam hi.