Joshua 4:23 - Tedim Bible Revision 2017

²³ Bang hang hiam cih leh eite in i kantan khit matengin Topa na Pasian un a kansak San Tuipi tungah a bawl bangin, note in na kantan khit matengun Topa na Pasian un Jordan tuite note adingin kangsak hi.

Tedim Bible

²³ Bang hang hiam cih leh eite in i kantan khit matengin Topa na Pasian un a keusak San Tuipi tungah a bawl bangin, note in na kantan khit matengun Topa na Pasian un Jordan tuite note adingin keusak hi;

Joshua 4:23 Referans Kwoze

Paikhiatna 14:21

Tua ciangin Moses in tuipi tungah a khut zan hi. Topa in zan tawntung nisuahna huihpi hat tawh tuipi mut gawpin, tuipi pen lei keu-in bawl a, tuite a kikhen hi.

Isaiah 43:16

Tuipi sungah lampi bawlin, tui lianpi sungah pai nading sul bawl a, leeng le sakolte, galkapte le galhangte Egypt gam pan paikhiat pihin, a tho thei nawn lo dingin amaute a lumcipsak, amaute pen meivak khau kisumit bangin a mitsak Topa in hih bangin ci hi:

Late 78:13

Amah in tuipi kikhensakin amaute kantansak a, tuite a lompi-in a omsak hi.

Nehemiah 9:11

Amauteʼ mai ah tuipi phel kham na hih manin tuipi laizang lei keu tungah amaute paisuak uh a, ahi zongin tuihual sunga suanglot bangin tui thukna sungah amau a delhte na lawn hi.

1 KUMPI MASATE 8:43

na teenna vantung panin za inla, tua gamdang mipa in nang tungah hong ngetna khempeuh tawh kizui-in hih in. Nangma mi Israel-te mah bangin leitung mi khempeuh in na min thei-in nang hong zahtak nading le hih ka lam sa biakinn pen nangma min tawh a kilo ahihna a theih nading uh ahi hi.

Paikhiatna 15:19

Faroʼ sakolte ama leengte tawh, a sakol tung tuangte tuipi sungah a pai ciangin, Topa in tuipi tuite amaute tuumsakkik a, ahi zongin Israel mite tuipi laizang lei keu tungah a pai uh hi.