Joshua 4:10 - Tedim Bible Revision 2017

¹⁰ Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizang ah Thuciamna Singkuang a pua siampite a ding uh hi. Mite nawhsa-in gal kah uh hi.

Tedim Bible

¹⁰ Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiakte khempeuh a vekpi-in a kiman’ khit matengin Jordan laizangah thuciamna singkuang a pua siampite ding uh hi. Mite nawhsa-in galkah uh hi;

Joshua 4:10 Referans Kwoze

Joshua 3:13

Leitung buppiʼ Topa ahi Topaʼ Thuciamna Singkuang a pua siampiteʼ khete in Jordan tui a sik ciangin Jordan tuite luang nawn lo dinga, a tung lam panin hong luang suk tuite lom khatin khawl ding hi,” a ci hi.

2 KORIN NIHNA 6:2

Bang hang hiam cih leh Pasian in, “A hunhoih a tun ciangin noteʼ hong ngetna ka hong ngai a, kong hotkhiat ni ding ciangin note kong huh hi,” na ci hi. Tua hi a, tu hun pen a hunhoih hi a, tu hun pen hotkhiat ni hun hi ta hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-et sa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuak lo ding hi,’ ci-in kigelh hi.

Thuhilh-sia 9:10

Na mai ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Paunak 27:1

Zing ciang hun ading kima-sialh kei in. Tu hun le tua hun kikalah a piang ding thu bangmah na thei kei hi.

Late 119:60

Kei kinawhin, na thupiakte zuih ding ka zekai kei hi.

Thu-hilhkikna 31:9

Moses in hih Thukham gelhin Topaʼ Thuciamna Singkuang a pua Levi mi siampite le upate khempeuh tungah a pia hi.

Paikhiatna 12:39

Egypt panin a ken uh annel lom panin amaute in silngo sawh loh moh em uh hi. Tuate silngo a kisawh lohna pen Egypt gam panin amaute kinot khia a, ze-ol tat thei loin amauʼ annek ding zong kiging man lo uh hi.

Joshua 4:9

Tua ciangin Joshua in Thuciamna Singkuang a pua siampiteʼ khe a dinnasa mun, Jordan laizang ah zong suang sawm le nih mah a phut hi. Tu ni dongin tua suangte tua mun mahah om lai hi.

Joshua 4:11

Mite khempeuh a gal kah khit uh ciangin Topaʼ Thuciamna Singkuang le siampite, miteʼ mai ah na ma pai uh hi.

Joshua 24:11

Tua ahih ciangin Jordan gal khat ah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite le Jebus mite in zong note hong do uh a, ahi zongin noteʼ khut sungah amaute kong pia hi.