Joshua 24:19 - Tedim Bible Revision 2017

¹⁹ Ahih hangin Joshua in mite kiangah, “Topaʼ na na sem zo kei ding uh hi. Bang hang hiam cih leh amah pen a siangtho Pasian hi a, a aam Pasian zong ahi hi. Noteʼ thupalsatna ahi a, na khialhna uh ahi zongin hong maisak lo ding hi.

Tedim Bible

¹⁹ Ahih hangin Joshua in mite kiangah, “Topa’ na nasem zo kei ding uh hi; bang hang hiam cih leh amah in a siangtho Pasian ahi hi; amah in a aam Pasian ahi hi; note’ thupalsatna ahi a, na khialhna uh ahi zongin hong maisak lo ding hi.

Joshua 24:19 Referans Kwoze

Isaiah 5:16

Ahih hangin thutang sepna tawh Vanglian Topa in a liatna hong kilangsak a, a Siangtho Pasian in a mite a thukhenna tawh ama sianthona hong kilangsak hi.

Paikhiatna 23:21

Amah thudonin ama aw ngai unla, amah lehdo kei un. Bang hang hiam cih leh amah in noteʼ thupalsatna hong maisak lo ding hi. Bang hang hiam cih leh keima min tawh nasem ahi hi.

Late 99:9

I Topa Pasian phat unla, ama mual siangtho ah bia un; bang hang hiam cih leh i Topa Pasian a siangtho hi.

Late 99:5

I Topa Pasian phat unla, ama khengakna munah bia un. Amah siangtho hi.

Siampi Laibu 19:2

“Israel mihonte khempeuh kiangah hih bangin gen in: Note na siangtho ding uh hi; bang hang hiam cih leh Topa noteʼ Pasian keimah ka siangtho hi.

Paikhiatna 20:5

Tuateʼ mai ah na kun kei ding uh a, tuate na bia kei ding uh hi. Bang hang hiam cih leh keimah noteʼ Topa Pasian, a aam Pasian ka hi a, kei hong mudahteʼ tungah pateʼ mawhna tateʼ tungah khang thum khang lina dongin thuk-in,

1 SAMUEL MASA 6:20

Tua ciangin Beth-shemesh mite in, “Hih a siangtho Pasian, Topaʼ mai ah kua om zo ding ahi hiam? Eiteʼ kiang panin kua kiangah amah paisak ding ihi hiam?” a ci uh hi.

Paikhiatna 34:14

“(Pasian dang na bia kei ding hi. Bang hang hiam cih leh Topa, ama min Aam ahi pa pen a aam Pasian ahi hi.)

Mattiu 6:24

“Kuamah, to nihʼ sila hi khawm thei lo hi. Khat mudahin khat it dinga, khat tungah thumanin khat simmawh bawl ding hi. Note in Pasianʼ na le leitung sum na nasem khawm zo kei ding uh hi.

Isaiah 30:15

Bang hang hiam cih leh Israel-teʼ Siangtho Pa, Topa Pasian in, “Kiheikikna le khawlna bek tawh note in suahtakna na ngah ding uh hi. Daitakin omna le muanna pen nomauʼ thahatna hi ding hi,” a ci hi. Ahih hangin note na tua ci kei uh a,

Isaiah 30:11

Lampi nusia-in, lamzin panin pial unla, Israel-teʼ Siangtho Paʼ thu hong zasak kei un,” a ci uh hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

1 SAMUEL MASA 3:14

Tua ahih ciangin Eli innkuanteʼ mawhna pen biakna ahi a, piakna in ahi zongin a maisak zawh ngei loh nading thu Eliʼ innkuante tungah ka kiciam hi,” a ci hi.

Ruth 1:15

Tua ciangin amah in, “En in, na sanggamnu a mipihte le a pasian-te kiangah ciahkik khin hi. Na sanggamnuʼ nungah nang zong ciah in,” a ci hi.

Joshua 24:23

Amah in, “Tua ahihleh noteʼ lakah a om gamdang pasian-te koih khia unla, Israel Pasian, Topaʼ lamah na lungsim uh nga un,” a ci hi.

Siampi Laibu 20:26

Note pen keima adingin na siangtho ding uh hi; bang hang hiam cih leh Topa ahi keimah ka siangtho a, note pen keima-aʼ na hih theih nadingun mite kiang panin note kong tuam koih zo hi.

Siampi Laibu 10:3

Tua ciangin Moses in Aaronʼ kiangah, “Topa in, ‘Ka kiang nai-a a omte kiangah keimah a siangtho-in ka kilak dinga, mi khempeuhʼ mai ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

Habakkuk 1:13

Ahi zongin hih a gilo a zuau tat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin amaute sangin a dik zaw mite a suksiatna ah bang hangin daicip na hi hiam?

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo dinga, amaute a piangsak pa in amaute tungah maipha lak lo ding hi.

Paikhiatna 34:7

mi tul tampite adingin itna kip a nei; mawhna, thupalsatna le khialhna maisakin; ahih hangin bangbang hitaleh mawhna a khah khong ngei lo; pateʼ mawhna tateʼ tung le tuteʼ tung, khang thum khang lina dongin a thuk pa,” ci-in a pulak hi.

Siampi Laibu 20:7

Tua ahih ciangin note ki-ap unla siangtho un; bang hang hiam cih leh kei pen Topa na Pasian uh ka hi hi.

Joshua 24:18

Topa in eiteʼ mai ah tua gam a teeng Amor mite khempeuh hawl khia hi. Tua ahih ciangin amah pen eiteʼ Pasian ahih manin kote in zong Topaʼ na ka sem ding uh hi,” a ci uh hi.

Late 99:3

A lian a kihtakhuai ama min mi khempeuh in phat ta uh hen. Amah siangtho hi.

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

Siampi Laibu 11:44

Kei pen Topa na Pasian uh ka hi hi. Tua ahih ciangin note ki-ap unla, kei siangtho ka hih manin note zong siangtho un. Leitungah a bokvak a hon tat ganhing khat peuhpeuh tawh note na kininsak tawm kei ding uh hi.

Siampi Laibu 11:45

Bang hang hiam cih leh noteʼ Pasian ahi dingin Egypt gam panin note a hong paikhiatpih pa pen keimah Topa ka hi hi. Tua ahih ciangin kei siangtho ka hih manin note na siangtho ding uh hi,” a ci hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amauteʼ mawhna maisak kei in.