Joshua 2:18 - Tedim Bible Revision 2017

¹⁸ En in, hih leitang ah kong pai uh ciangin kote nong khai sukna hih tawlet ah hih khauhual san na khih ding hi. Na inn sungah na nu le na pa, na sanggamte le na paʼ innkuanpihte khempeuh na khawm ding hi.

Tedim Bible

¹⁸ En in, hih leitangah kong pai uh ciangin kote nong khai sukna hih kongvangneu-ah hih khauhual san na khih ding hi; na inn sungah na nu leh na pa, na sanggampate leh na pa innkuanpihte khempeuh na khawm ding hi.

Joshua 2:18 Referans Kwoze

Joshua 6:23

Tua ahih ciangin thu kansim tangvalte va tum uh a, Rahab, a nu, a pa, a sanggamte le amah tawh a kizom khempeuh a paikhiatpih uh hi. Amaute in tua nuʼ tanau teng khempeuh paipih uh a, Israel-teʼ giahphual pua lamah a koih uh hi.

Joshua 2:21

Tua ciangin amah in, “Na thugen bangun hi tahen,” a ci hi. Tua ciangin amah in amaute sawl khia a, amaute paikhia uh hi. Amah in a khauhual san a tawlet ah a khih hi.

Hebru 9:19

Moses in zong mite tungah Thukham sunga om thute a piak lai-in bawng no sisan, keel sisan le tui sungah puknah le tuumul san diahin, tuate tawh Thukham laibu le mite theh a,

Sawltak 10:33

Tua ahih manin nang kong samsak pah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasianʼ omna hih lai munah a om ka hi uh hi,” ci-in a dawng hi.

Siampi Laibu 14:4

a kisiangsak ding mipa adingin a hing vasa siang nih le taamtak sing le a ausan puan le puknah a la dingin siampipa in amaute sawl ding hi.

2 TIMOTI NIHNA 1:16

Onesiforas in tam veipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

Sawltak 11:14

Amah in nang le na innkuan khempeuh un hotkhiatna na ngah nading uh thu hong gen ding hi,’ a cihna thu a hong gen hi.

Sawltak 10:27

Tua bangin a kiho kawmin Peter zong inn sungah tum a, mi tampi tak a na om a muh ciangin

Luka 19:9

Tua ciangin Jesu in ama kiangah, “Tu ni-in hih innkuan in hotkhiatna a ngah hi. Hih mipa pen Abrahamʼ suante khat zong hi lai hi.

Gamlak-vakna 19:6

Siampipa in taamtak sing le puknah le a ausan khaute la-in bawngla a kihalna sungah tuate khul ding hi.

Gamlak-vakna 4:8

Tua ciangin amaute in a ausan puan tawh tuate khuh ding uh a, savun tawh khuh thuahin, a zawlte bulh ding uh hi.

Piancilna 12:2

Minam lian in kong bawl dinga, thupha hong pia-in, na min liansak ding ka hih manin midangteʼ adingin thupha na hi ding hi.

Piancilna 7:1

Tua ciangin Topa in Noah kiangah, “Nang le na innkuan pih mi khempeuh teembaw sungah pai un. Bang hang hiam cih leh hih khang mite sung panin nang bek a thuman na hihna ka hong thei hi.

Esther 8:6

Ka mipihte tungah hih siatna lianpi a tung ka muh ding bangci thuak zawh ding ka hi hiam? Ahih kei le ka innkuan pih tungah a tung hih siatna ka muh ding bangci thuak zawh ding ka hi hiam?” a ci hi.

Solomon la 4:3

Na mukte puansan tawh kibang a, na kampau ngaihnop-huai hi. Na lu khuhna puan sung panin na kho hong san lihleh hi.

Paikhiatna 12:13

Noteʼ omna inn tunga sisan pen note adingin lim hi ding hi. Sisan ka muh ciangin note kong paisan dinga, Egypt leitang ka vat gawp ciangin note hong susia ding gimna noteʼ tungah hong tung lo ding hi.

Joshua 6:25

Ahih hangin numei paktat Rahab le tua nu tawh a kizomte khempeuh Joshua in a hingkhawi hi. Jerikho khua thu a kansim dingin Joshua in a sawl kamtaite tua nu in na seel ahih manin tu ni dongin Israel mite lakah a suanlekhakte a teeng uh hi.