Joshua 15:47 - Tedim Bible Revision 2017

⁴⁷ Ashdod, a khuapite le a khuaneute tawh ahi hi. Gaza, a khuapite le a khuaneute tawh ahi hi. Egypt lui le tuipi lian a gei ciang dong tawh ahi hi.

Tedim Bible

⁴⁷ Ashdod, a khuapite leh a khua neute tawh ahi hi; Gaza, a khuapite leh a khua neute tawh ahi hi; Izipt lui leh tuipi lian a gei ciang dong tawh ahi hi.

Joshua 15:47 Referans Kwoze

Joshua 15:4

Azmon ciang dong pai-in Egypt lui ah suak khia a, tuipi ah a mong bei hi. Hih pen amauʼ leitaw lam gamgi hi ding hi.

Sawltak 8:26

Topaʼ vantungmi khat in Filip kiangah, “Kithawi inla, Jerusalem khua panin Gaza khua paina lampi zuan dingin leitaw lam manawhin pai in,” a ci hi. (Tua lampi tu-in kizang pha nawn lo hi.)

Zefaniah 2:4

Gaza khuapi ah kuamah om nawn lo dinga, Ashkelon khuapi kisusia ding hi. Ashdod khua mite suntangpi-in kihawl khia dinga, Ekron khua mite kipaikhiat pih mang ding hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei no le no kisu liam ding na hi uh hiam?

Jeremiah 47:1

Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

Joshua 13:3

(Kanaan miteʼ gam ci-a a kiciamteh, leilu lam Ekron gamgi lam, Egypt nisuahna lam a om Shihor pan Filistia gam Gaza, Ashdod, Ashkelon, Gath le Ekron gamte a uk mi nga om hi) le Avvim gam,

Paikhiatna 23:31

Keimah in San Tuipi panin Filistia miteʼ tuipi ciang le sehnel gam panin Eufratis gun ciang dongah na gamgite uh ka phut ding hi. Bang hang hiam cih leh tua gam a teeng mite noteʼ khut sungah kong pia dinga, note in na mai uh panin amaute na hawl khia ding uh hi.

Joshua 15:46

Ekron panin tuipi dong, Ashdod lam pang a omte khempeuh a khuaneute tawh ahi hi.

Joshua 15:48

Tua ciangin mual tung gamah Shamir, Jattir, Sokoh,

Thu-hilhkikna 2:23

Gaza ciang dong khuaneute ah a teeng Avvim mite ahihleh Kaftor pan a hong pai Kaftor mite in susia-in amauʼ munah teeng uh hi.)

Joshua 11:22

Israel miteʼ leitang ah Anak mite khat zong om nawn lo a, Gaza, Gath le Ashdod sung bekah pawl khat om lai hi.

1 KUMPI MASATE 5:4

Ahih hangin tu-in Topa ka Pasian in na khempeuh ah tawlngakna kei tungah hong pia hi. Hong langpang ahi a, thusia ahi zongin om lo hi.

2 KUMPI NIHNATE 18:8

Amah in galvilna bukno a kipan kulh a nei khuapi dongin, Gaza le a gam sung ciang dong Filistia-te a vat gawp hi.

2 KHANG TANGTHU NIHNATE 26:6

Amah kuan khia-in Filistia mite va sim a, Gath khuapi kulh, Jabneh khuapi kulh le Ashdod khuapi kulh sucim hi. Tua ciangin amah in Ashdod gam sung le Filistia-teʼ gam sung mun dangte ah khuapite a lam hi.