Joshua 15:2 - Tedim Bible Revision 2017

² Leitaw lam a gamgi pen Ci Tuipi mong, leitaw lam a sun tuidawk pan kipan hi.

Tedim Bible

² Leitaw lam a gamgi in Ci Tuipi mong, leitaw lam a sun tuidawk panin kipan hi;

Joshua 15:2 Referans Kwoze

Ezekiel 47:8

Amah in kei kiangah, “Hih tui pen nisuahna lam manawhin gam sung nawkin Jordan Kuam ah luang sukin Si Tuipi sungah tung hi. Si Tuipi a tun ciangin hih tui in tuipi tui pen, tuisiang suaksakkik hi.

Isaiah 11:15

Topa in ama huih sa nungsakin Nail gunpi le Eufratis gunpi tuite kangsak dinga, mi khempeuh in nuam takin a kantan zawh ding lui neu sagih bek sitlai ding hi.

Piancilna 14:3

Hih kumpi ngate in kipawlna bawlin Siddim Kuam (Ci Tuipi) ah a galkapte uh gawm uh hi.

Ezekiel 47:18

“Nisuahna lam gamgi pen, Damaskas le Hauran gamgi kituahna panin hong kipan sukin, Jordan Gun zui suk a, Jordan Gun nitumna lam pang teng Israel gam hi-in, nisuahna lam pang teng Gilead gam hi a, tua panin Si Tuipi kimang sukin Tamar khuapi ciang hi suk ding hi.

Joshua 3:16

a saklam panin hong luang suk tuite khawlin khangto a, a gamlapi, Zarethan gei-a khuapi Adamah ah a lomin kikhol a, Ci Tuipi a kici Arabah tuipi ah a luang sukte kikhensat siang hi. Tua ciangin Jerikho gei ah mite gal kah uh hi.

Gamlak-vakna 34:3

na leitaw lam pang uh pen Zin gam panin Edom pang teng hi dinga, leitaw lam na gamgi uh nisuahna lamah Ci Tuipi mong pan kipan ding hi.

Joshua 15:1

Amauʼ beh tawh kizui-in Judah miteʼ ngah pen leitaw lamah Edom gamgi ciang hi a, leitaw lam a gamla penna munah Zin gam ciang ban hi.

Joshua 15:3

Leitaw lam Akrabbim kah tohna ah pai khia-in, Zin dong ban a, Kadesh-barnea leitaw lamah Hezron dung tawnin Addar ciang dong pai to-in Karka lamah kihei a,