Joshua 15:19 - Tedim Bible Revision 2017

¹⁹ Amah in, “Letsong khat hong pia in. Negeb gamah kei hong koih na hih buangin ciktui khukte zong hong pia in,” a ci hi. Tua ciangin Kaleb in tua nu tungah ciktui tungnungte le ciktui nuainungte a pia hi.

Tedim Bible

¹⁹ Amah in, “Letsong khat hong pia in; Negeb gamah kei hong koih na hih buangin cik tuikhukte zong hong pia in,” a ci hi. Tua ciangin Kaleb in tua nu tungah cik tui tungnungte leh cik tui nuainungte a pia hi.

Joshua 15:19 Referans Kwoze

2 KORIN NIHNA 9:5

Tua ahih manin piak dingin na kamciam sa uh huhna sumte a baih sa-in a om theih nadingin hih ka sanggamte a hong mapai ding kisam ka sa hi. Tua hileh kei ka hong tun ciangin a baih sa-in na om dinga, note in piak loh phamawh cihna lungsim tawh hi loin utna lungsim tawh a pia na hihna uh hong kilang ding hi.

1 SAMUEL MASA 25:27

Tu-in na nasem nu keimah in nangmah ka hong puak hih letsong nangma nung hong zui tangvalte hong piasak in.

Thu-hilhkikna 33:7

Tua ciangin Judah minamteʼ thu genin, “Topa aw, Judahʼ aw ngai inla, a mite kiangah amah paipih in. Na khutte tawh ama ading do inla, a galteʼ dona ah a huhpa hi in,” a ci hi.

Piancilna 33:11

Nangʼ kiang a hong kipaipih ka letsong nong san nadingin hong thum ing. Bang hang hiam cih leh Pasian in kei hong hehpih mahmah a, a kicing ka nei hi,” a ci hi. Tua bangin amah in kun teitei ahih manin Esau in zong a sang hi.

Piancilna 12:9

Abram in a khualzin zom lai a, Negeb gam lam manawhin a pai lai hi.

Joshua 15:18

Tua nu ama kiangah a pai ding ciangin ama paʼ tung panin lo khat a nget ding hah gen hi. A la tung panin tua nu a kum ciangin Kaleb in tua nu kiangah, “Bang ut na hi hiam?” a ci hi.

Joshua 15:20

Hihte pen amauʼ beh tawh kizui-in Judah minamteʼ gamhluah ahi hi.