Joshua 14:4 - Tedim Bible Revision 2017

⁴ Bang hang hiam cih leh Josef mite minam nihin kikhen a, Manasseh le Efraim minamte ahi uh hi. Tua gam sungah Levi-te tungah tanh kipia lo a, ahih hangin amauʼ ten nading khuapite le a ganhingte uh adingin lo nona gamte kipia bek hi.

Tedim Bible

⁴ Bang hang hiam cih leh Josef mite minam nih-in kikhen a, Manasseh leh Efraim minamte ahi uh hi; tua gam sungah Levi mite tungah tanh kipia lo a, ahih hangin amau teen’ nading khuapite leh a ganhingte leh a nate uh adingin a lonona gamte bek tawh kipia hi.

Joshua 14:4 Referans Kwoze

Piancilna 48:5

“Tu-in, Egypt ah nang kiangah kong pai ma-in Egypt gam sungah nangʼ sung panin a suak na tapa nihte keima-aʼ ahi hi. Reuben le Simeon-te mah bangin Efraim le Manasseh zong keima aʼ hi ding hi.

Piancilna 41:51

Josef in a ta masa Manasseh a phuak hi. Amah in, “Pasian in ka haksatna khempeuh le ka paʼ innkuan khempeuh a mangngilhin hong bawl hi,” ci hi.

Piancilna 46:20

Josef in Egypt gamah On khua siampipa Potiferaʼ tanu Asenath tawh Manasseh le Efraim nei hi.

Piancilna 48:1

Tua zawh a sawt loin, “Na pa a ci na hi,” ci-in Josef kiangah kigen ahih ciangin amah in a tapa nihte Manasseh le Efraim a paipih hi.

Gamlak-vakna 26:28

Amauʼ behbehin Josef minamte: Manasseh le Efraim ahi uh hi.

2 KHANG TANGTHU NIHNATE 30:1

Israel Pasian, Topaʼ Paisan Pawi a bawl dingin Jerusalem-a Topaʼ biakinn ah hong pai nadingun Hezekiah in Israel mi khempeuh le Judah mite kiangah mi sawl a, Efraim mite le Manasseh mite tungah zong laikhakte a gelh hi.

Piancilna 41:52

A nihna pen amah in Efraim a phuak hi. “Ka thuakna gam sungah kei a pungin hong bawl hi,” ci hi.

Piancilna 48:6

Amauteʼ khit cianga nang sung panin a suaktate pen nangma aʼ hi ding hi. Amauʼ gamhluahna ah amauʼ sanggamteʼ min tawh amaute kilo khawm ding hi.

Joshua 16:4

Josefʼ suan Manasseh le Efraim mite in amauʼ gamhluah dingin hih gamte ngah uh hi.