Joshua 13:26 - Tedim Bible Revision 2017

²⁶ le Heshbon panin Ramath-mizpeh le Betonim ciang le Mahanaim panin Debir gam ciang dong,

Tedim Bible

²⁶ leh Heshbon panin Ramathmizpeh leh Betonim ciang, leh Mahanaim panin Debir gam ciang dong,

Joshua 13:26 Referans Kwoze

2 SAMUEL NIHNA 17:27

Mahanaim ah David a tun ciangin Ammon miteʼ gam Rabbah khua panin Nahashʼ tapa Shobi le Lodebar panin Ammielʼ tapa Makhir le Rogelim panin Gilead mi Barzillai in

2 SAMUEL NIHNA 2:8

Tu-in Nerʼ tapa Abner, Saulʼ galkap mangpa in Saulʼ tapa Ishbosheth la-in Mahanaim ah paipih hi.

1 KUMPI MASATE 22:3

Tua ciangin Israel kumpipa in a nasemte kiangah, “Ramoth-gilead eima aʼ hi a, eite pau loin omin Syria kumpipaʼ khut sung panin i lakkhiat lohna thu na thei uh hiam?” a ci hi.

Thukhente 11:29

Tua ciangin Jefthahʼ tungah Topaʼ kha hong tunga, amah in Gilead le Manasseh nawkin Gilead gam Mizpah ah paisuak a, Gilead gam Mizpah panin Ammon mite kiangah paisuak lai hi.

Thukhente 11:11

Tua ahih ciangin Gilead upate tawh Jefthah pai a, mite in amauʼ tungah lutang le makai-in amah koih uh hi. Jefthah in hih thute khempeuh Mizpah khua sung Topaʼ mai ah a gen ahi hi.

Thukhente 10:17

Tua ciangin Ammon mite galhiam tawi dingin kisam uh a, Gilead ah giahphual sat uh hi. Israel mite zong kikaikhawmin Gilead gam sung Mizpah ah giahphual sat uh hi.

Joshua 21:38

Tua ciangin Gad minam sung panin Gilead gam sunga om khuapite sung panin mi thatte ading bukna khuapi Ramoth a lo nona gamte tawh, Mahanaim a lo nona gamte tawh,

Joshua 20:8

Jerikho nisuahna Jordan gal khat ah Reuben minam sung panin mualzang sehnel gam a om Bezer khua, Gad minam sung panin Gilead gam sunga om Ramoth khua le Manasseh minam sung panin Bashan gam sunga om Golan khuate a seh uh hi.

Piancilna 31:49

a khuam pen Mizpah, ci hi. Bang hang hiam cih leh Laban in, “Eite khatlekhat i tuam om ciangin Topa in nang le keiʼ kikalah hong encik tahen.

Joshua 13:25

Amauʼ gam pen Jazer le Gilead khuapite khempeuh le Rabbah nisuahna lamah a om Aroer ciang dong Ammon miteʼ leitang kim khat,

Joshua 13:27

le Beth-haram kuam sungah Beth-nimrah, Sukkoth le Zafon, Jordan gal khat nisuahna lam, Khinnereth Tuipi a niamna lam mong ciang, Jordan gamgi-in a nei, Heshbon kumpipa Sihonʼ kumpi gam a om lai teng ahi hi.

1 KUMPI MASATE 4:14

Iddoʼ tapa Ahinadab: Mahanaim khua sungah;