Joshua 11:9 - Tedim Bible Revision 2017

⁹ Topaʼ sawl bangin Joshua in amaute hih a, amauʼ sakolte uh a zagui sat tat sakin mei tawh a leengte uh a halsak hi.

Tedim Bible

⁹ Topa’ sawl bangin Joshua in amaute hih hi; amau’ sakolte uh a zagui sattat sakin mei tawh a leengte uh halsak hi.

Joshua 11:9 Referans Kwoze

Joshua 11:6

Tua ciangin Topa in Joshua kiangah, “Zing ciang tu bang hunin amaute khempeuh a kithat sa-in Israel mite tungah pia ding ka hih manin amaute kihta kei un. A sakolte uh a zagui na sat tat ding uh a, a leengte uh mei tawh na hal ding uh hi,” a ci hi.

Piancilna 49:6

Amauʼ kikhopna ah ka kihel kei dinga, amauʼ pawl tawh ka kizom kei ding hi. Bang hang hiam cih leh a heh manun mi that uh a, kiphatsakna lungsim tawh amaute in mawlpih dingin bawngtalteʼ zagui a sat tat uh hi.

2 SAMUEL NIHNA 8:4

David in ama tung panin sakol galkap tul khat le za sagih le khe galkap tul sawm nih la hi. David in leengkai sakol khempeuh a zagui at sat a, ahih hangin leeng za khat adingin a kicing a siit hi.

Nahum 2:13

Vanglian Topa in hih bangin ci hi: “Kei pen noteʼ gal ka hi a, na sakol leengte uh ka hal tum ding hi. Na humpinelkai note uh namsau in vatmai dinga, midangteʼ na na suh teng uh ka susia mangkhin ding hi. Na taangmite uhʼ awging koi mahah kiza nawn lo ding hi,” ci hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.