Joshua 11:2 - Tedim Bible Revision 2017

² saklam mual tung le Khinneroth leitaw lam a om Arabah gam sung le Jordan gunkuam le nitumna lamah Nafathdor gam sunga om kumpite,

Tedim Bible

² leh saklam mualtung, leh Khinneroth leitaw lam-a om Arabah sung, leh lei niamna mun, leh nitumna lamah Nafothdor sunga om kumpite,

Joshua 11:2 Referans Kwoze

Thukhente 1:27

Manasseh mite in Beth-shean le a khuaneute-a teeng mite, Taanak le a khuaneute-a teeng mite, Dor le a khuaneute-a teeng mite, Ibleam le a khuaneute-a teeng mite ahi a, Megiddo le a khuaneute-a teeng mite ahi zongin hawl khia lo uh ahih manin Kanaan gam mite tua leitang ah teeng lai uh hi.

Joshua 17:11

Issakhar le Asher gam sungah zong Manasseh in gam ngah a, tuate pen Beth-shean le a khuaneute, Ibleam le a khuaneute, Dor-a teengte le a khuaneute, Endor a teengte le a khuaneute, Taanak a teengte le a khuaneute le Megiddo a teengte le a khuaneute hi a, a thumna pen Nafath ahi hi.

Gamlak-vakna 34:11

Gamgi pen Shefam panin Ain nisuahna lam Riblah dongah pai suk ding hi. Gamgi pai suk lai-in nisuahna lamah Khinnereth tuipi liangko dong ban ding hi.

1 KUMPI MASATE 4:11

Benabinadab: Nafathdor gam sung khempeuh ah (amah in Solomonʼ tanu Tafath zi-in nei hi);

Joshua 12:23

Nafathdor sunga Dor kumpi, khat; Galilee sunga Goiim kumpi, khat;

Luka 5:1

Khat vei, Gennesaret Tuili gei ah Jesu dingin a om laitakin, mite in Pasianʼ thu za nuamin Jesu hong nehcip uh hi.

Luka 1:39

Tua khit a sawt loin Mary kithawi a, Judea mual tung gam a khua khat ah a va pai pah hi.

Joshua 13:27

le Beth-haram kuam sungah Beth-nimrah, Sukkoth le Zafon, Jordan gal khat nisuahna lam, Khinnereth Tuipi a niamna lam mong ciang, Jordan gamgi-in a nei, Heshbon kumpipa Sihonʼ kumpi gam a om lai teng ahi hi.

Joshua 11:21

Tua hun laitakin Joshua hong pai-in mual tung gam, Hebron, Debir, Anab le Judah mual tung gam khempeuh le Israel mual tung gam khempeuh panin Anak mite not khia siang a, Joshua in a khuapite uh tawh amaute susia mang khawm hi.

Joshua 10:40

Tua ahih ciangin Joshua in gam khempeuh, mual tung gam le Negeb gam le lei niamna mun le mual pang suk le a khuapite khempeuh a zo hi. Amah in kuamah siit lo a, Israel-teʼ Topa Pasianʼ thupiak sa bangin mi khempeuh a susia mang hi.

Joshua 10:6

Tua ciangin Gibeon mite in Gilgal-a giahphual a Joshua kiangah kamtai sawlin, “Na nasemte hong nusia kei in. Manlang takin ko kiangah hong pai to-in, kote hong hon inla, hong huh in. Bang hang hiam cih leh mual tung gam a teeng Amor kumpite khempeuh kote langpangin kikhawm uh hi,” a ci uh hi.

Joshua 11:16

Tua ahih ciangin Joshua in gam khempeuh, mual tung gam le Negeb gam le Goshen gam khempeuh le lei niamna gam le Arabah le Israel-teʼ mual tung gam le a lei niamna gamte,

1 KUMPI MASATE 15:20

Tua ciangin Benhadad in Kumpi Asaʼ thu mang a, Israel khuapite a sim dingin a galkap a ukte sawlin, Ijon, Dan, Abelbeth-maakah le Khinneroth khempeuh, Naftali gam khempeuh tawh a zo hi.