Joshua 11:11 - Tedim Bible Revision 2017

¹¹ Amaute in tua sunga om mi khempeuh namsau tawh that khin mang uh hi. Khat zong hingkhawi lo uh a, a khuapi uh zong a hal tum uh hi.

Tedim Bible

¹¹ Amaute in tua sunga om khempeuh namsau tawh hihin amaute susia mang hi; husang khat zong om nawn lo a, amah in mei tawh Hazor khua hal hi.

Joshua 11:11 Referans Kwoze

Joshua 10:40

Tua ahih ciangin Joshua in gam khempeuh, mual tung gam le Negeb gam le lei niamna mun le mual pang suk le a khuapite khempeuh a zo hi. Amah in kuamah siit lo a, Israel-teʼ Topa Pasianʼ thupiak sa bangin mi khempeuh a susia mang hi.

Thu-hilhkikna 20:16

“Ahih hangin, amauʼ pasian-te a biakna uh ah a hih uh a kihhuai gamtatnate khempeuh note hong hilh theih loh nading le tua bangin Topa na Pasian uh tungah na khialh theih loh nadingun, Topa na Pasian un luah dingin noteʼ tungah hong piak hih miteʼ khuapi sungah mi khempeuh na hingkhawi kei ding uh a, Topa na Pasian un hong thupiak sa bangin Hit mite le Amor mite, Kanaan mite le Perez mite, Hiv mite le Jebus mite, a vekpi-in amaute na susia mang ding uh hi.

Thu-hilhkikna 7:2

Topa na Pasian un note tungah amaute hong pia-in, note in amaute na zawh uh ciangin, note in amaute na susia mang ding uh hi. Amaute tawh thuciamna na bawl kei ding uh a, amaute tungah hehpihna na lak kei ding uh hi.

Thu-hilhkikna 3:7

Ahih hangin a ganhing khempeuh le khuapi sunga van kinusiate i la hi.

Joshua 6:21

Tua ciangin amaute in khuapi sunga om khempeuh numei le pasal, a moi a ham, bawngtalte, tuute le late khempeuh namsau tawh that mangkhin uh hi.

Joshua 6:24

Amaute in khuapi le a sunga om khempeuh mei tawh hal uh a, ngun le kham, sumngo le sik tawh a kibawl nazatte bek Topaʼ inn-a sumkoihna ah a koih uh hi.