Joshua 10:26 - Tedim Bible Revision 2017

²⁶ Tua khit ciangin Joshua in amaute satin sisak a, singkung nga tungah amaute a khai hi. Amaute in nitak dong sing tungah a khai uh hi.

Tedim Bible

²⁶ Tua khit ciangin Joshua in amaute satin si sak a, singkung nga tungah amaute khai hi. Amaute in nitak dong sing tungah khai uh hi;

Joshua 10:26 Referans Kwoze

Joshua 8:29

Tua ciangin amah in nitak mateng sing khat tungah Ai kumpipa a khai hi. Ni a tum ciangin Joshua in thu pia a, amaute in sing tung panin a luang la sukin, khuapi kulh kongpi lutna ah paai uh a, a tungah suangtum lompi ciang uh a, tu ni dongin tua suangcian om lai hi.

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Esther 2:23

A thu kikanin a manna a kitheih ciangin khuampite tungah tua mi nih tegel kikhailum hi. Hih thupiangte khempeuh kumpipaʼ theihin Kumpi Gam Tangthu Laibu sungah kiciamteh hi.

2 SAMUEL NIHNA 21:9

Amah in Gibeon mite tungah amaute pia a, amaute in Topaʼ mai mual tungah amaute khai uh a, amau sagihte si khawm uh hi. Mangbuhham lak kipat hun, an lak kipat cil lamin amaute kithat hi.

2 SAMUEL NIHNA 21:6

Topaʼ mual tung, Topaʼ mai Gibeon ah amaute ka khai theih nadingun ama tapa sagihte hong pia in,” a ci uh hi. Tua ciangin kumpipa in, “Amaute kong pia ding hi,” a ci hi.

1 SAMUEL MASA 15:33

Tua ciangin Samuel in, “Na namsau in nute ta bei-in a bawl mah bangin na nu zong ta bei hi ta ding hi,” a ci hi. Tua ciangin Samuel in Topaʼ mai Gilgal ah Agag a semnen hi.

Thukhente 8:21

Tua ciangin Zebah le Zalmunna in, “Nang mahmah ding inla, kote hong hih in; bang hang hiam cih leh pasal nasep a sem dingin pasal mah kisam hi,” a ci uh hi. Tua ciangin Gideon dingin Zebah le Zalmunna that a, amauʼ kalaohteʼ ngawng a a om khade lim tawh a kibang kizepnate a la hi.

Gamlak-vakna 25:4

Topa in Moses kiangah, “Israel miteʼ tung panin Topaʼ hehna a kihtakhuai a bei theih nadingin miteʼ ukpite khempeuh man inla, Topaʼ mai ah sun tangin amaute khai in,” a ci hi.

Johan 19:31

Tua ni pen Kigin ni hi a, a zing ciang Sabbath ni thupi diak ahih manin tua ni-in singlamteh tungah a luangte a om lai ding deih lo uh ahih ciangin Jerusalem khua-a Jew mi uliante, Pilat kiangah va pai-in a khete uh kuaitanin a luangte a lakkhiat nadingun a ngen uh hi.

Late 18:41

Huh nading ngenin amaute kikoko uh a, ahih hangin a hon ding kuamah om lo hi. Amaute in Topaʼ tungah ko uh a, ahih hangin amah in dawng lo hi.