Joshua 10:24 - Tedim Bible Revision 2017

²⁴ Amaute in Joshua kiangah tua kumpi ngate a paikhiatpih uh ciangin, Joshua in Israel mi khempeuh samin, amah tawh a kuan khawm galkap maangte kiangah, “A nai ah hong pai unla, hih kumpiteʼ ngawng ah na khe uh nga un,” a ci hi. Tua ciangin amaute a nai ah hong pai-in, a khe uh amauteʼ ngawng tungah a nga uh hi.

Tedim Bible

²⁴ Amaute in Joshua kiangah tua kumpi ngate a pai khiatpih uh ciangin, Joshua in Israel mi khempeuh samin, amah tawh a kuan khawm galkap mangte kiangah, “A nai-ah hong pai un la, hih kumpite ngawngah na khe uh nga un,” a ci hi. Tua ciangin amaute a nai-ah hong pai-in, a khe uh amaute ngawng tungah nga uh hi.

Joshua 10:24 Referans Kwoze

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

Malakhi 4:3

Keimah in na kong sep ni ciangin note in migilote nuaisiahin leivui bangin na tuancil ding uh hi.

Late 110:5

Nangma tak lamah Topa hong om a, ama heh ni-in kumpite a zo gawp ding hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Late 107:40

amah in, amau a bawlsiate tungah simmawhna buak sukin lampi om lohna gam sungah amaute a vakvaisak hi.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Late 91:13

Nangmah in humpinelkai le gul gunei tung na tawn dinga, na khe nuai ah humpinelkai khanglai le gulpi na tuancil ding hi.

Late 18:40

Ka galte na nungkiksak a, kei hong mudahte ka susia hi.

Thukhente 8:20

Tua ciangin amah in a ta upa pen Jether kiangah, “Ding in, amaute that in,” a ci hi. Ahih hangin tangvalpa in a namsau dok ngam lo hi. Bang hang hiam cih leh amah tangval lai ahih manin a lungsim hang nai lo hi.

Hebru 1:13

Ahi zongin Pasian in ama vantung mite kiangah, “Na galte na khe nuai ah ka hong sikcipsak matengin ka tak lamah hong tu in,” ci ngei lo hi.

2 SAMUEL NIHNA 22:41

Nangmah in ka galte, kei hong mudahte, na nungkiksak a, keimah in amaute ka susia gawp hi.

Isaiah 51:23

Note kiangah, ‘Na tung uh ah kong pai theih nadingun kun suk un,’ a hong ci, no a hong bawlsiateʼ khut sungah tua haipi ka koih ding hi. Note in na nungzang uh leilak bangin bawlin, amauteʼ pai nadingin kongzing lampi bangin na bawl khin uh hi,” a ci hi.

2 SAMUEL NIHNA 22:39

Amaute ka beisak a, amaute ka sun let hi; amaute thokik nawn lo uh a, ka khe nuai ah amaute puk uh hi.