Joshua 10:23 - Tedim Bible Revision 2017

²³ Amaute in tua bangmahin hih uh a, leihawm panin tua kumpi ngate, Jerusalem kumpi, Hebron kumpi, Jarmuth kumpi, Lakhish kumpi le Eglon kumpite, ama kiangah a paipih uh hi.

Tedim Bible

²³ Amaute in tua mah bangin hih uh a, leihawm panin tua kumpi ngate, Jerusalem kumpi, Hebron kumpi, Jarmuth kumpi, Lakhish kumpi, leh Eglon kumpite, ama kiangah paipih uh hi.

Joshua 10:23 Referans Kwoze

Joshua 10:5

Tua ciangin Amor kumpi ngate, Jerusalem kumpi, Hebron kumpi, Jarmuth kumpi, Lakhish kumpi le Eglon kumpi, a galkapte khempeuh uh tawh pai to-in Gibeon lang khat ah phual satin a do uh hi.

Joshua 10:3

Tua ahih ciangin Jerusalem kumpipa Adonizedek in Hebron kumpipa Hoham kiang, Jarmuth kumpipa Piram kiang, Lakhish kumpipa Jafia kiang le Eglon kumpipa Debir kiangah kamtai sawlin,

Joshua 10:1

Joshua in Ai a lakna zia le Jerikho le a kumpipa tungah a bawl bangin Ai le a kumpipa tungah a bawlna le Gibeon khua sunga teeng mite in Israel-te tawh kilemna a bawlna le amaute lakah a omna thu Jerusalem kumpipa Adonizedek in a zak ciangin

Thu-hilhkikna 7:24

Amah in noteʼ khut sungah amauteʼ kumpite hong pia dinga, note in mun khempeuh panin amauteʼ min na maimangsak ding uh hi. Amaute na susia mangkhin ding uh a, noteʼ lang khat ah mi khat beek hong pang zo lo ding hi.

Joshua 10:22

Tua ciangin Joshua in, “Leihawm gong hong unla, leihawm panin tua kumpi ngate kei kiangah hong paikhiatpih un,” a ci hi.

Joshua 12:10

Jerusalem kumpi, khat; Hebron kumpi, khat;

Joshua 12:12

Eglon kumpi, khat; Gezer kumpi, khat;