Joshua 10:12 - Tedim Bible Revision 2017

¹² Tua ciangin, Topa in Israel mite tungah Amor mite a piak ni-in Joshua in Topa tungah thu gen a, amah in Israel miteʼ muhna ah, “Ni aw, Gibeon ah, Kha aw, Aijalon Kuam ah khawlcip in,” a ci hi.

Tedim Bible

¹² Tua ciangin, Topa in Israel mite tungah Amor mite a piak ni-in Joshua in Topa tungah thu gen hi; amah in Israelte’ muhna-ah, “Ni aw, Gibeon ah, nang kha aw, Aijalon kuam ah ding cip in,” a ci hi.

Joshua 10:12 Referans Kwoze

Habakkuk 3:11

Na thaltang leeng a muh ciang, na teipi tee zalzal a muh ciangin, ni le kha a omna sanah a khawlcip uh hi.

Isaiah 38:8

En in, Ahaz kumpipaʼ ni-nai tungah ni tum kuana liim pen kal sawm ka nungkiksak ding hi, ci hi,” a ci hi. Tua ahih ciangin a tum khin sa ni pen ni-nai tungah kal sawm a nungkik hi.

Isaiah 60:20

Na ni tum nawn lo dinga, na kha zong tumkik nawn lo ding hi. Bang hang hiam cih leh Topa pen nangma khuavak hi tawntung dinga, na thumna hunte bei ta ding hi.

Isaiah 28:21

Bang hang hiam cih leh a lamdang ama bawlte a bawl ding le a lamdang ama nasep a sem dingin Perazim Mual tungah a sep bangin Topa in hong sem dinga, Gibeon kuama a heh bangin amah hong heh ding hi.

Late 19:4

Ahih hangin a aw uh leitung khempeuh ah kizel a, a kammal uh leimong dongah a tung hi. Amauʼ sungah ni ading omna khat bawl khin a,

Joshua 10:13

Tua ciangin hih minamte in a galte uh a zawh khit mateng ni ding cipin kha a khawl hi. Hih thute, Jasharʼ Laibu sungah kigelh hi. Vankim lai ah ni khawlin ni khat bup bang tum suk lo hi.

Late 148:3

Ni le kha aw, amah phat un. A taang aksi khempeuh aw, amah phat un.

JOB (Job) 9:7

Amah in ni a suak lo dingin thu pia a, aksite sincip hi.

Thu-hilhkikna 4:19

Note in na mit uh tawh vantung lam en to-in, ni le kha le aksite, vantung na khempeuh na muh uh ciangin, mun khempeuh a miteʼ tungah Topa na Pasian un a piak nateʼ lamah kihei-in tuate bia-in a na na sep khak loh nading uh kidawm un.

Zekhariah 2:13

Mi khempeuh aw, Topaʼ mai ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Habakkuk 2:20

Topa, a biakinn siangtho sungah om hi; leitung mi khempeuh ama mai ah dai dide-in om ta uh hen.

Late 74:16

Sun pen nangma aʼ hi a, zan zong nangma aʼ mah ahi hi. Nangmah in ni le kha na bawl hi.

Joshua 19:42

Shaalbim, Aijalon, Ithlah,

Thu-hilhkikna 17:3

pasian dangteʼ na semin tuate bia ahi zongin, keimah in ka kham ahi ni ahi a, kha ahi a, vantung na khat peuhpeuhteʼ na semin bia ahi zongin,

Amos 8:9

Tua ni ciangin sunkim laipi mahin ni ka tumsak dinga, sunkim laipi mahin leitung khempeuh ah khua ka mialsak ding hi. Topa Pasian ahi keimah in hih thu kong gen khin hi.

Thukhente 12:12

Tua ciangin Zebulun mi Elon si a, Zebulun gam Aijalon ah kivui hi.

Thukhente 5:20

Vantung panin aksite in do uh a, amau paina ciat panin Sisera do uh hi.

1 SAMUEL MASA 14:31

Amaute in tua ni-in Mikmash panin Aijalon ciang dong Filistia-te sat tuk uh hi. Tua ciangin mite gim mahmah uh hi.

2 SAMUEL NIHNA 2:12

Nerʼ tapa Abner le Saulʼ tapa Ishboshethʼ nasemte Mahanaim panin Gibeon ah paikhia uh hi.

2 KUMPI NIHNATE 20:11

Tua ciangin Topa tungah kamsang pa Isaiah kiko hi. Tua ciangin amah in Ahazʼ ni-nai tungah a ni tum sa a liim kal sawm lehkaihkik hi.

Jeremiah 28:1

Tua kum mahin (Judah gamah Zedekiah kumpi a suah zawh kum li le kha nga a phak kum) Gibeon khua panin a hong pai Azzurʼ tapa kamsang Hananiah in Topaʼ biakinnpi sungah siampite le mi khempeuh a omkim laitakin hong hopih a,

Amos 2:9

Ahi zongin amaute ka khualna hangin taamtak sing bangin a sang mahmah, tawsaw kung bangin a khauh tuak mahmah Amor mite amau adingin ka suksiatsak a, a dawn pan a kipan a zung dongin ka suk maisak hi.

Joshua 21:24

Aijalon a lo nona gamte tawh le Gath-rimmon a lo nona gamte tawh, khuapi li kipia hi.

1 SAMUEL MASA 12:18

Tua ahih ciangin Samuel in Topaʼ tungah thu ngen a, Topa in tua ni-in van gingsakin guah zusak hi. Tua ciangin mi khempeuh in Topa le Samuel nakpi takin a zahtak uh hi.

2 KUMPI NIHNATE 20:9

Tua ciangin Isaiah in, “Topa in a ciam sa thu hong hih nadingin Topaʼ tung panin nangma tungah a lim hih bang hi ding hi: A liim kal sawm mai pai ding hiam, ahih kei leh kal sawm nung kik ding ahi hiam?” a ci hi.

2 KUMPI NIHNATE 20:10

Tua ciangin Hezekiah in dawngin, “Liim kal sawm a mai nawt ding a baih khat ahi hi; liim kal sawm nung kiksak zaw in,” a ci hi.

1 KHANG TANGTHU MASATE 8:13

le Beriah le Shema (Gath a teengte a taisak Aijalon a teeng beh lutangte),

2 KHANG TANGTHU NIHNATE 11:10

Zorah, Aijalon le Hebron, Judah le Benjamin gam sunga om kulh a nei khuapite a lam hi.