Jonah 4:2 - Tedim Bible Revision 2017

² Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Tedim Bible

² Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Jonah 4:2 Referans Kwoze

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Late 145:8

Topa dikin hehpihna nei a, heh hak mahmah in itna kip lianpi a nei hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Jeremiah 18:8

tua ka gen sa minam le gam a siatna panin a kiheikik leh, ama tungah siatna tunsak dingin ka seh sa pen ka kisikkik dinga, ka tungsak nawn kei ding hi.

Paikhiatna 32:14

Tua ciangin Topa in a lungsim kheel a, ama miteʼ tungah a tunsak ding siatna tungsak nawn lo hi.

Late 78:38

Ahi zongin amah in hehpihna lungsim nei ahih manin amauʼ khialhnate maisakin, amaute susia lo hi. Amah in a hehna ip zelzel a, a hehna khempeuh phong khia lo hi.

Amos 7:3

Topa in zong a lungsim hong kheelkik a, “Tua na muh bangin hong piang nawn lo ding hi,” hong ci hi.

Jonah 3:10

Pasian in amauʼ hihnate mu a, a khialhna uh panin a kihei uh a muh ciangin kisik a, amau tungah hih dingin a cih sa siatna a tungsak nawn kei hi.

Jonah 1:3

Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

1 KUMPI MASATE 19:4

Ahih hangin a mahmah gamlak ah ni khat lam pai lai-in poding kung nuai khat ah a tu hi. Tua ciangin amah in a sih nading thu ngenin, “Pha zo hi; tu-in Topa aw, ka nuntakna hong la ta in; bang hang hiam cih leh ka pate sangin kei ka hoih zaw kei hi,” a ci hi.

Amos 7:6

Tua ciangin Topa in zong a lungsim hong kheelkik a, “Na muh bangin hih zong hong piang nawn lo ding hi,” Topa Pasian in hong ci hi.

Late 90:13

Topa aw, hong kiheikik in. Bang tan sauvei ding hiam? Na nasemte hong hehpih in.

Luka 10:29

Ahi zongin Thukham hilh siapa amah kitangsak nuam ahih manin Jesu kiangah, “Ka veengte i cih kuate ahi hiam?” ci-in a dong hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hat zaw a, keimah nong zo hi. Nisimin miteʼ nuihsat lel ka suak a, mi khempeuh in kei hong zahko uh hi.

Thu-hilhkikna 4:31

Bang hang hiam cih leh Topa na Pasian uh hehpihna a nei Pasian ahi hi. Amah in note hong tamasak loin, hong nusia lo dinga, na pate uh tawh a thuciamna mangngilh lo ding hi.

Late 103:8

Topa dikin hehpihna tawh kidim a, heh hakin, a lian mahmah itna kip tawh a kidim hi.

Jeremiah 26:13

Tua ahih manin tu-in na nuntak dante uh le na gamtat ziate uh kheel unla, Topa na Pasian uh thu ngai un. Tua hileh Topa in noteʼ kisiatna ding a gen sa thu a kheelkik ding hi.

Jeremiah 42:10

Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.