Jonah 3:8 - Tedim Bible Revision 2017

⁸ Mihing le ganhingte in puanhampi silhin Pasianʼ tungah nakpi-in kiko ta uh hen. Mi khempeuh, a khialhnate uh le a gitlohnate uh panin kihei ta uh hen.

Tedim Bible

⁸ Mihing leh ganhingte in ippi puan silhin Pasian tungah nakpi-in kiko ta uh hen. Hi hi, mi khempeuh in a khialhnate uh leh a gitlohnate uh panin kihei ta uh hen.

Jonah 3:8 Referans Kwoze

Jonah 1:6

Teembaw ukpa in amah a muh ciangin, “Ihmu pa aw, bang na cihna ahi hiam? Tho inla na pasian kiangah thu ngen in. I sih loh nadingin amah in eite hong ngaihsun kha thei ding hi,” a ci hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Jonah 1:14

Tua ahih ciangin Topaʼ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Isaiah 59:6

Na maimom khau puante uh kizang thei lo dinga, kuamah in silh lo ding uh hi. Na vaihawmnate uh tua maimom khau puan bangin a mawkna suak lel ding hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Mattiu 3:8

Na kisikkikna uh a kilangsak ding gamtatna gamta unla,

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatna sate hong puahsak dinga, na nuamsa toto ding hi, a ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Isaiah 58:6

Keiʼ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khah khia-in thuman lohna hakkol khempeuh suk tan ding ahi hi.

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

JOB (Job) 16:17

Ahi zongin ngongtatna them khat zong ka zang kei a, Pasian tungah ka thungetna pen lungsim takpi tawh ahi hi.

JOB (Job) 36:10

A gamtat siatna panun a khawl nadingun amauʼ bil sungah thu a gengen hi.

Jeremiah 25:5

Amaute in, ‘Tu-in na vekpi-un na gitlohna uh le na gamtat khialhnate uh panin na kihei uh leh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Jeremiah 26:3

Amaute in na thugen hong ngai-in, a gitlohna uh pan kihei kha thei ding uh hi. Tua hileh amauʼ gitlohna hanga amaute suksiat dingin ka ngaihsut sa ka kheelkik ding hi.

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Joel 1:14

An tan ding thu pia unla, a thupi biak kikhopna bawl un. Noteʼ Topa Pasianʼ biakinn sungah makaite le gam mi khempeuh kaikhawm unla, Topaʼ tungah kiko-in thum un.