Jonah 3:5 - Tedim Bible Revision 2017

⁵ Nineveh khua mite kisikin Pasian um uh a, an tan ding thu thangsakin, a gol pen pan a kipan a neu pen dongin puanhampi a silh uh hi.

Tedim Bible

⁵ Nineveh khuamite in kisik kik-in Pasian a um uh a, antan’ nading thu thang sakin, a golpen pana kipan a neupen dongin ippi puan a silh uh hi.

Jonah 3:5 Referans Kwoze

Luka 11:32

Thukhen Ni ciangin Nineveh khua mite hong dingin note mawhsakna thu hong gen ding uh hi. Bang hang hiam cih leh amaute in Jonahʼ thuhilhna a zak uh ciangin a mawhnate uh kisik uh a, ahi zongin Jonah sangin a lian zaw khat hih lai ah a om hi,” a ci hi.

Mattiu 12:41

Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khua mite in note mawhsakna thu hong gen ding uh hi. Note kiangah kong genin ah: Tu mahmah in note kiangah Jonah sangin a lian zaw khat a om hi.

Daniel 9:3

An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

Joel 1:14

An tan ding thu pia unla, a thupi biak kikhopna bawl un. Noteʼ Topa Pasianʼ biakinn sungah makaite le gam mi khempeuh kaikhawm unla, Topaʼ tungah kiko-in thum un.

2 KHANG TANGTHU NIHNATE 20:3

Tua ciangin Jehoshafat lau a, a mahmah in Topaʼ lamlah nading zong a, Judah gam khempeuh ah an tan ding thu a zasak hi.

Hebru 11:1

Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Sawltak 27:25

Tua ahih manin lawmte aw, kuamah lunghimawh kei un. Kei tungah hong gen bangin hong piangsak ding hi, ci-in Pasian ka muang hi.

Sawltak 8:10

tua khua sunga om mi lian mi neu a om khempeuh in a thu limtakin ngai-in, “Vanglian Pa,” a kici Pasian pen amah ahi hi, a ci uh hi.

Jeremiah 42:8

Tua ciangin keimah in Kareahʼ tapa Johanan, amah tawh a om khawm galkap maangte khempeuh le a neu pen a kipan a lian pen dongin mi khempeuh ka sam a,

Jeremiah 42:1

Tua ciangin galkap maangte khempeuh, Kareahʼ tapa Johanan, Hoshaiahʼ tapa Azariah le a neu pen pan a kipan a lian pen dongin mi khempeuh hong pai khawmin

Jeremiah 36:9

Josiahʼ tapa Judah kumpi Jehoiakim in a uk zawh kum nga a phak kum, a kha kuana kha-in Jerusalem khua-a om mi khempeuh le Judah gam khuapite panin Jerusalem khua ah a hong pai mi khempeuh in Topaʼ maipha ngah nadingin an a tang uh hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cih in ah, amaute in a neu pen panin a lian pen dongin, a vekpi-un kei a hong thei ding uh hi. Bang hang hiam cih leh amauʼ khialhnate ka maisak dinga, amauteʼ mawhnate zong phawkin ka nei nawn kei ding hi,” a ci hi.

Ezra 8:21

Tua ciangin eiteʼ Pasianʼ mai ah kote kiniamkhiat thei-in, kote le ka naupangte uh le ka neihsa khempeuh uh nuam takin ka khualzinna uh ah ka pai theih nading uh Pasianʼ tung pan ka nget theih nadingun Ahava lui ah antanna ding thu ka taangko hi.

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

Esther 4:1

Mordekai in hih thupiang teng a theih ciangin a puan bal kekin puanhampi silhin vut kibuak a, nakpi takin a kap kawmin khua sungah vak kawikawi hi.

Jonah 3:7

Tua ciangin amah in Nineveh khua sung khempeuh ah thu thangsakin taangkosak a, “Kumpipa le ulianteʼ thu tawh: Mihing ahi a, ganhing ahi zongin, bawng hon ahi a, tuu hon ahi zongin, kuamah in bangmah ciam thei lo ding, an ne thei lo ding, tui dawn thei lo ding uh hi.

Paikhiatna 33:6

Tua ahih ciangin Israel mite in Horeb Mual pan a kipanin amauʼ kizepnate suah khia uh hi.

2 KUMPI NIHNATE 19:1

Kumpi Hezekiah in hih thu a zak ciangin a dahna hangin a puante bal kekin puanhampi silh a, Topaʼ biakinn sungah a pai hi.