Jonah 3:4 - Tedim Bible Revision 2017

⁴ Jonah zong khua sung lam manawhin kipan a, ni khat sung lam a pai khit ciangin, “Ni sawm li khit ciangin hih Nineveh khuapi kisusia ding hi,” ci-in a kiko hi.

Tedim Bible

⁴ Jonah zong khua sung lam manawh-in kipan-a, nikhat sung lam a pai khit ciangin, “Ni sawmli khit ciangin Nineveh khuapi a kisusia ding hi,” ci-in a kiko hi.

Jonah 3:4 Referans Kwoze

Thu-hilhkikna 18:22

kamsang khat in Topaʼ min tawh thu genin, tua thu pen hong tung lo ahi a, a man lo ahi zongin hong hih leh, tua thu pen Topaʼ gen loh thu ahi hi. Kamsang pa in ama utthu a gen hi a, amah na kihtak ding uh kul lo hi.

Jonah 3:10

Pasian in amauʼ hihnate mu a, a khialhna uh panin a kihei uh a muh ciangin kisik a, amau tungah hih dingin a cih sa siatna a tungsak nawn kei hi.

2 KUMPI NIHNATE 20:6

Na nuntakna kum sawm le kum nga sung kong behlap ding hi. Assiria kumpipa khut sung panin nangmah le hih khuapi ka hon khia dinga, keima hang le ka nasem pa David hangin hih khuapi ka hu ding hi, ci hi, ci-in gen in,” a ci hi.

2 KUMPI NIHNATE 20:1

Tua hun laitakin Hezekiah cina-in si dektak hi. Tua ciangin Amozʼ tapa kamsang Isaiah hong pai-in ama kiangah, “Topa in hih bangin ci hi: ‘Na innkuan vai ding hawm in; bang hang hiam cih leh nang na si ding hi; na damkik zo kei ding hi,’ ci hi,” a ci hi.

Mattiu 12:41

Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khua mite in note mawhsakna thu hong gen ding uh hi. Note kiangah kong genin ah: Tu mahmah in note kiangah Jonah sangin a lian zaw khat a om hi.

Luka 11:30

Nineveh khua mite adingin kamsang Jonah pen lim khat ahih mah bangin tu hun mite adingin Mihing Tapa zong, lim ahi ding hi.

Luka 11:32

Thukhen Ni ciangin Nineveh khua mite hong dingin note mawhsakna thu hong gen ding uh hi. Bang hang hiam cih leh amaute in Jonahʼ thuhilhna a zak uh ciangin a mawhnate uh kisik uh a, ahi zongin Jonah sangin a lian zaw khat hih lai ah a om hi,” a ci hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Jeremiah 42:10

Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.