Jonah 3:2 - Tedim Bible Revision 2017

² “Kithawi inla, a lian mahmah Nineveh khuapi ah va pai-in kong gen sa thu taangko in,” a ci hi.

Tedim Bible

² “Kithawi in la, a lian mahmah Nineveh khuapi-ah va pai-in kong gen sa thu va tangko in,” a ci hi.

Jonah 3:2 Referans Kwoze

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Jeremiah 1:17

Tua ahih manin Jeremiah aw, kithawi in. Pai inla kong sawl khempeuh amaute kiangah va gen in. Amaute kihta kei in; na kihtak leh amauʼ mai ah kong lausak zaw lai ding hi.

Jonah 1:2

“Kithawi inla, a lian mahmah Nineveh khuapi ah va pai-in thu va hilh in; bang hang hiam cih leh amauʼ gitlohna thu ka za khinzo hi,” a ci hi.

Johan 5:14

Tua khit ciangin Jesu in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a sia zaw khat na thuak ding hi,” a ci hi.

Mattiu 3:8

Na kisikkikna uh a kilangsak ding gamtatna gamta unla,

Jonah 3:3

Jonah zong kithawi pah a, Topaʼ cih bangin Nineveh khua ah a pai hi. Nineveh khua pen khuapi lian mahmah khat hi a, ni thum sung tak kikantan hi.

Ezekiel 3:17

“Mihing ahi Ezekiel aw, Israel minamteʼ galvil pa dingin nang kong koih hi. Nangma tungah kong gen hilh kholhnate khempeuh amaute tungah na gen sawn ding hi.

Jonah 3:1

Tua ciangin Topa in Jonah tungah a nih veina thu gen a,

Paikhiatna 4:28

Topa in amah a sawlna thute khempeuh le ama sep dinga a sawl limte khempeuh Moses in Aaronʼ tungah a gen hi.

Esther 9:31

Jew mi Mordekai in a gelh sa bangin a kiseh sa tawh kizui-in hih Purim nite a tan nadingun thu kipia hi. Tua mah bangin amaute le a suanlekhakte uh adingin antanna ding le thumna bawlna ding ngeinate a gelh uh hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte kiangah na pai dinga, kong sawl peuhpeuh na gen ding hi.