Jonah 3:10 - Tedim Bible Revision 2017

¹⁰ Pasian in amauʼ hihnate mu a, a khialhna uh panin a kihei uh a muh ciangin kisik a, amau tungah hih dingin a cih sa siatna a tungsak nawn kei hi.

Tedim Bible

¹⁰ Pasian in amau’ hihnate mu a, a khialhnate uh panin a kihei uh a muh ciangin kisik kik a, amaute tungah hih dinga a cihsa siatna a tungsak nawn kei hi.

Jonah 3:10 Referans Kwoze

Jeremiah 18:8

tua ka gen sa minam le gam a siatna panin a kiheikik leh, ama tungah siatna tunsak dingin ka seh sa pen ka kisikkik dinga, ka tungsak nawn kei ding hi.

Luka 15:20

Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na gal muh a, hehpihhuai sa mahmah ahih manin va delhin, a tapa ngawng kawi-in a nam hi.

Amos 7:6

Tua ciangin Topa in zong a lungsim hong kheelkik a, “Na muh bangin hih zong hong piang nawn lo ding hi,” Topa Pasian in hong ci hi.

Luka 11:32

Thukhen Ni ciangin Nineveh khua mite hong dingin note mawhsakna thu hong gen ding uh hi. Bang hang hiam cih leh amaute in Jonahʼ thuhilhna a zak uh ciangin a mawhnate uh kisik uh a, ahi zongin Jonah sangin a lian zaw khat hih lai ah a om hi,” a ci hi.

Paikhiatna 32:14

Tua ciangin Topa in a lungsim kheel a, ama miteʼ tungah a tunsak ding siatna tungsak nawn lo hi.

Amos 7:3

Topa in zong a lungsim hong kheelkik a, “Tua na muh bangin hong piang nawn lo ding hi,” hong ci hi.

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Jonah 4:2

Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

1 KHANG TANGTHU MASATE 21:15

Tua ciangin Pasian in a susia dingin Jerusalem ah vantungmi sawl hi. Ahih hangin amah in a suksiat ding laitakin Topa in mu a, tua thusia ah amah kisik hi. Tua ahih ciangin amah in a susia vantungmi kiangah, “Pha zo hi; tu-in khawl ta in,” a ci hi. Jebus mi Ornanʼ ancilna gei ah Topaʼ vantungmi a din laitak ahi hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Jeremiah 42:10

Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.

Jonah 4:11

Tua ahihleh keimah in ganhing tampi tham lo, a taklam khut le a veilam khut nangawn a khen thei nai lo naupang tul za le tul sawm nih sangin a tam zawteʼ teenna, a lian mahmah Nineveh khuapi pammaih sa lo ding ka hi hiam?” ci-in a dawngkik hi.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Jeremiah 18:7

Minam khat peuhpeuh ahi zongin, gam khat peuhpeuh ahi zongin bot khia-in, khenkhamin, ka suksiatna ding thu, hun khat peuhpeuh lai-in ka gen khinzo ahi zongin