Jonah 2:9 - Tedim Bible Revision 2017

⁹ Ahih hangin keʼn ahihleh lungdamna aw tawh biakna kong pia dinga, ka ciam sa thu ka tangtungsak ding hi. Topaʼ kiang pan hotkhiatna hong pai hi,” a ci hi.

Tedim Bible

⁹ Ahih hangin keimah in ka hih leh lungdamna aw tawh biakna kong pia ding hi; ka ciamsa ka tangtung sak ding hi. Gupkhiatna in Topa’ aa ahi hi!” a ci hi.

Jonah 2:9 Referans Kwoze

Late 3:8

Gualzawhna pen Topa nangma hang ahi hi. Na mite tungah na thupha hong tung tahen!

Late 50:14

Lungdam biakpiakna Pasian tungah pia unla, Sangpen pa tungah na thuciamnate uh bawl un.

Hebru 13:15

Tua ahih manin Jesu tungtawnin amah i biakna-in i kam tawh ama min pulakin Pasian phat tawntung ni.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka hon khia ding hi,” a ci hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Late 68:20

Eiteʼ Pasian pen hong hon khia Pasian hi a, sihna pan a hong suaktasak Topa Pasian ahi hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

Isaiah 45:17

Ahih hangin Topa in Israel-te hon khia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Mangmuhna 7:10

Amaute nakpi takin awngin, “Tokhom tungah a tu i Pasian le Tuuno pen eite a hong hon khia ahi uh hi,” a ci uh hi.

Johan 4:22

No Samaria mite in na theih taktak lohpi uh na bia uh a, ahi zongin ko Jew mite tungtawnin hotkhiatna thu hong pai ahih manin kote in ka theih uh a bia ka hi uh hi.

Jeremiah 33:11

Ahih hangin lungdamna aw le kipahna awte, zi nei thakte le mothakteʼ awte kizakik ding hi. Topaʼ biakinn ah mite hong pai-in lungdam kohna-in: ‘Vanglian Topaʼ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kizakik ding hi. Bang hang hiam cih leh Topa in kong cih in ah, a masa-a mah bangin hih gam ka hausakkik ding hi.

JOB (Job) 22:27

Thu na nget ciangin na ngetna hong pia dinga, nangma thuciamnate na tungsak ding hi.

Piancilna 35:3

Ka lungkham hunin hong huhin, ka paina khempeuh ah a hong ompih Pasian adingin biakna tau khat ka bawl theih nadingin eite kipanin Bethel ah pai to ni,” a ci hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Late 107:22

Lungdam koh piaknate pia-in ama nasepnate lungdam la tawh amaute gensak un.

2 SAMUEL NIHNA 15:7

Kum li a cin ciangin Absalom in kumpipa kiangah, “Kei hong paisak inla, Topaʼ tungah ka ciam sa ka thuciam, Hebron ah hong piasak in, ci-in kong thum hi.

Thu-hilhkikna 23:18

A paktat nu a kiguaihna sum ahi a, a paktat pa a kiguaihna sum ahi zongin thuciamna khat peuhpeuh piakna-in Topa noteʼ Pasianʼ inn sungah na paipih kei ding uh hi. Bang hang hiam cih leh hih tegel pen Topa noteʼ Pasianʼ tungah a kihhuai ahi hi.

Late 27:1

Topa, ka khuavak le hong honpa ahi hi. Kua kihta ding ka hi hiam? Topa, kei adingin mun muanhuai ahi hi. Bang lau pih ding ka hi hiam?

Late 95:2

Ama omna ah lungdamna ko-in pai ni. Phatna late, ama tungah lungdam takin sa ni.

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.