Jonah 2:7 - Tedim Bible Revision 2017

⁷ Kei ka lung a kiat ciangin Topa kong phawk a, ka thungetna, na biakinn siangtho sung, nangma kiang hong tung hi.

Tedim Bible

⁷ Kei ka lung a kiat ciangin, Topa ka phawk a; ka thungetna, na biakinn siangtho sung, nangma kiang hong tung hi.

Jonah 2:7 Referans Kwoze

Late 18:6

Ka gimna ah Topa ka sam a, ka Pasianʼ tungah huhna ngenin ka kiko hi. Amah in a biakinnpi panin ka aw hong za a, amah ka kohna aw in ama bilte va ban to hi.

2 KHANG TANGTHU NIHNATE 30:27

Tua ahih ciangin siampite le Levi mite dingin mite thupha pia uh a, amauʼ awging kiza-in, amauʼ thungetna in vantung a a siangtho ama teenna a ban to hi.

Late 143:5

Hun luite ka phawk a, na sep sa khempeuh ka ngaih sunsun hi. Na khut in a sep sa nate ka lung ngaingai hi.

Late 11:4

Topa a biakinn siangtho sungah om a, Topaʼ tokhom vantungah om hi. Amah in mihingte hong en a, mihingteʼ gamtatna khempeuh a thei tel hi.

1 SAMUEL MASA 30:6

David nakpi takin lungkham hi. Bang hang hiam cih leh mi khempeuh a tanu a tapate uh hangin lungsim sia uh ahih manin amaute in suang tawh amah den ding gen uh hi. Ahih hangin Topa a Pasian in David tha khauhsak hi.

Late 27:13

A hingteʼ gam sungah Topaʼ hoihna a mu dingin kei ka ki-um hi.

Late 20:7

Mi pawl khat in leengte kisaktheih pih a, mi pawl khat in sakolte kisaktheih pih hi. Ahih hangin eite in Topa i Pasianʼ min bek i kisaktheih pih hi.

Late 65:4

Nangma inn ah a om dingin na teel na lakte mi nuamsa ahi hi. Nangma biakinn siangtho, na inn sunga hoihna tawh kote ka lungkim ding uh hi.

Hebru 12:3

Tua zahta-in mawhnei miteʼ langbawlna a thuaknate ngaihsun unla, note lungkia loin khauh takin om un.

Habakkuk 2:20

Topa, a biakinn siangtho sungah om hi; leitung mi khempeuh ama mai ah dai dide-in om ta uh hen.

Micah 1:2

No minam khempeuhte aw, hih thu za un: Leitungah a teeng mi khempeuhte aw, hih thu ngai un: Noteʼ lang khat ah Topa Pasian in teci pang a, a vantung biakinn panin thu hong gen hi.

Jonah 2:4

Tua ciangin keimah in, ‘Na omna panin kei hong kihawl khia hi. Na biakinn siangtho hong koici etkik thei ding ka hi hiam?’ ka ci hi.

Isaiah 50:10

Topa kihta a, a nasem paʼ thu a mangte khempeuh khuamial sungah na pai hangun Topa muang unla, Pasian suanin nei un.

Late 43:5

Bang hangin kha kunkun a, lunghimawh niloh ka hi hiam? Pasian sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 42:11

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 42:5

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 22:14

Tui buakkhiat bangin kei hong kibua khia a, ka guh ka taang khempeuh kilawi mangkhin hi. Ka lungtang khuainun bang a, ka awm sungah tui suak hi.

Late 142:3

Ka cih nading ka theih nawn loh ciangin, amah in ka mailam ding hong theihsak hi. Ka paina lampi ah ka galte in tehlop khat tawh kei hong siah uh hi.

Isaiah 38:17

Gimna lianpi ka thuakna pen keima lungnopna hong suak ding hi. Lauhuaina khempeuh panin kei nong hon khia a, ka mawhna khempeuh na hong maisak hi.