Jonah 1:7 - Tedim Bible Revision 2017

⁷ Tua khit ciangin teembaw hawlte in, “Hong pai dih un. Kuaʼ hangin hih bang gimna eiʼ tungah hong tung ahi hiam, cih i theih nadingin ai san dih ni,” ci-in khatlekhat a kikum uh hi. Ai a san uh leh Jonah tung a tu hi.

Tedim Bible

⁷ Tua khit ciangin teembaw hawlte in, “Hong pai dih un. Kua’ hangin hih gimna ei tungah hong tung hiam, cih i theih nadingin ai san dih ni,” ci-in khat-le-khat a kikum uh hi. Ai a san uh leh Jonah tung a tu hi.

Jonah 1:7 Referans Kwoze

Paunak 16:33

Mite in bangbangin ai a san zongin, a piang ding thu pen Topaʼ deihna bang bek hizaw hi.

Joshua 7:10

Topa in Joshua kiangah, “Tho in, bang hangin tua bangin lei ah bok na hi hiam?

Gamlak-vakna 32:23

Ahih hangin note tua bangin na gamtat kei uh leh, en un, Topaʼ tungah a khial khin na hi uh hi. Na khialhna un note hong sulzuih ding thei tel un.

Sawltak 13:19

Pasian in Kanaan gam sungah minam sagih a suksiat khit ciangin kum za li le kum sawm nga sung bang ama mite a luahsak hi.

Mattiu 27:35

Singlamteh tungah Jesu a khai khit uh ciangin a puante kua in a koi ngah ding cih a theih nadingun suang lawnin ai san uh a, a puan teng a hawm uh hi.

Late 22:18

Amaute in ka puante hawm uh a, ka puan a hawm nadingun lai ai a san uh hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

JOB (Job) 10:2

Pasian kiangah hih bangin ka ci ding hi: Kei hong mawhsak kei in. Kei nong langpanna thu hong gen in.

Esther 3:7

Kumpi Ahasuerasʼ uk a kum sawm le kum nihna, a kha masa pen ahi Nisan kha a kipanin a ni ni, a kha kha-in Pur a kici aisanna tawh Hamanʼ muhin ai kisan a, a kha sawm le nihna Adar kha a ni sawm le thum ni-in ai a pha hi.