Jonah 1:5 - Tedim Bible Revision 2017

⁵ Tua ciangin teembaw hawlte lau uh a, a pasian ciat uhʼ kiangah a kiko ciat uh hi. Teembaw a zan tuam nadingin a sunga vante tuipi sungah a paai uh hi. Tua bang hi napi-in teembaw sung tawng lamah Jonah na lutsukin a na ihmu hithiat hi.

Tedim Bible

⁵ Tua ciangin teembaw hawlte lau uh a, a pasian ciat uh kiangah a kiko ciat uh hi. Teembaw a zan’ tuam nadingin a sung-a vante tuipi sungah a paai uh hi. Tua bang hi napi-in Jonah in teembaw sung a tawng lamah na lutsuk a, a na ihmu hithiat hi.

Jonah 1:5 Referans Kwoze

1 KUMPI MASATE 18:26

Tua ciangin amaute in amaute tungah a kipia bawngtal la-in bawl uh a, zingsang a kipan sun dong Baal tungah thu ngenin, “Baal aw, kote hong dawng in,” a ci uh hi. Ahih hangin awging om lo a, kuamah in dawng lo hi. Tua ciangin amauʼ bawl sa biakna tau ah amaute diang uh hi.

Jeremiah 2:28

“Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Isaiah 45:20

“Minamte sung panin a suakta lai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a hon khia thei lo pasian tungah thu ngenngen uh hi.

1 SAMUEL MASA 24:3

Lam gei-a tuukhawk omna ah a pai hi. Tua gei ah leihawm khat om a, awnghawh dingin tua sungah Saul a pai hi. Tu-in David le a mite tua leihawm tawngnung sungah na tu uh hi.

Thukhente 16:19

Tua nu in a phei tungah Samson ihmusak hi. Amah in mi khat samin a lu tunga a sam lom sagihte metsak hi. Tua ciangin tua nu in amah gimsak ding kipan a, ama thahatna in amah nusia ta hi.

Sawltak 27:38

Mi khempeuh in an a kinek khit ciangin teembaw a zan nadingin a sunga mangbuhte a lawn khia uh hi.

Mattiu 26:45

Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei miteʼ khut sungah Mihing Tapa a kipiak ding hun hong tung ta hi.

Mattiu 26:43

A nungzuite kiangah hong paikik ciangin, a ihmut uh suak lua mahmah ahih manin na ihmu leuleu uh hi.

Mattiu 25:5

Zineipa hong tung hak ahih manin a vekpi-un lusu-in a ihmu uh hi.

Jonah 1:16

Tua ciangin tua mite in Topa kihta mahmah uh a, Topaʼ tungah biakna pia-in thuciamna a bawl uh hi.

Jonah 1:14

Tua ahih ciangin Topaʼ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Jonah 1:6

Teembaw ukpa in amah a muh ciangin, “Ihmu pa aw, bang na cihna ahi hiam? Tho inla na pasian kiangah thu ngen in. I sih loh nadingin amah in eite hong ngaihsun kha thei ding hi,” a ci hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

JOB (Job) 2:4

Tua ciangin Satan in Topa dawngin, “Vun bek in vun mah lei zo bek, ci-in paunak a om mah bangin mi khat in ama nuntakna a hutna-in a neih khempeuh pia ngam ding hi.

Late 107:25

Bang hang hiam cih leh amah in thu pia a, tuipi hualte a piangsak huihpi a nungsak hi.

Late 148:8

mei le gial, tuikhal le vuk, ama thupiakna a mang huihpi!

Thuhilh-sia 3:6

Zonʼ hun om a, mansuah hun om hi. Kep hun om a, paihkhiat hun om hi.