Jonah 1:4 - Tedim Bible Revision 2017

⁴ Ahih hangin Topa in tuipi tungah huih nakpi-in nungsak a, huihpi hat lua ahih manin teembaw a kisia dekdek hi.

Tedim Bible

⁴ Ahih hangin Topa in tuipi tungah huih nakpi-in nung sak-a huihpi hat lua ahih manin teembaw a kisia dekdek hi.

Jonah 1:4 Referans Kwoze

Amos 4:13

Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laam to-in San Tuipi sung a denna hi. Egypt gam sungah kauphe khat zong om nawn lo hi.

Gamlak-vakna 11:31

Topaʼ kiang panin huih nungin, tuipi panin vamimte hong puak a, giahphual kiang hih lam pang ni khat paina ciang, hua lam pang ni khat paina ciang mah giahphual kimkot ah kiasak a, lei maitang tungah pi thum bang a sah hi.

Paikhiatna 15:10

Nang in na huih tawh na mut a, tuipi in amaute tuum hi. A kihtakhuai tui sungah haknaw bangin amaute tum uh hi.

Paikhiatna 14:21

Tua ciangin Moses in tuipi tungah a khut zan hi. Topa in zan tawntung nisuahna huihpi hat tawh tuipi mut gawpin, tuipi pen lei keu-in bawl a, tuite a kikhen hi.

Paikhiatna 10:13

Tua ahih ciangin Moses in Egypt leitang tungah a ciangkhut zan a, Topa in tua sun tawntung le tua zan tawntung leitang tungah nisuahna huih a nungsak hi. Zingsang ciangin nisuahna huih in kauphete hong tun khin hi.

Late 135:6

Vantung le leitung, tuipi le a thukna sung khempeuh ah Topa in ama ut peuhpeuh a bawl hi.

Jeremiah 51:16

Amah a pau ciangin vantungah tuite ging huhu a, leimong panin tui khu a suaksak hi. Guah zuk nadingin khua phiasak a, a saal sung panin huih a nungsak hi.

Late 148:8

mei le gial, tuikhal le vuk, ama thupiakna a mang huihpi!