Johan 9:31 - Tedim Bible Revision 2017

³¹ Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Tedim Bible

³¹ Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Johan 9:31 Referans Kwoze

Paunak 15:29

Topa in midikteʼ thungetna ngai a, migiloteʼ thungetna thudon lo hi.

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Paunak 28:9

Mi khat in thukham a zuih nop kei leh ama thungetna nangawn Pasian in zakthadah huai sa hi.

Micah 3:4

Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Late 145:19

Amah a zahtakteʼ deihna a kicingin tungsak a, amauteʼ kikona zong za-in amaute a hon khia hi.

Zekhariah 7:13

Amaute ka hopih ciangin hong ngai nuam lo uh hi; kei zong amauteʼ hong thungetna ka ngai kei ding hi, Vanglian Topa in ci hi.

Paunak 21:13

Mizawngteʼ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Late 18:41

Huh nading ngenin amaute kikoko uh a, ahih hangin a hon ding kuamah om lo hi. Amaute in Topaʼ tungah ko uh a, ahih hangin amah in dawng lo hi.

JOB (Job) 42:8

Tu-in bawngtal sagih le tuutal sagih la-in Job kiangah paipih unla, note adingin biakpiakna-in nei un. Job in note adingin thu hong ngetsak dinga, keimah in ama thungetna ka pia ding hi. Noteʼ haina zahin kong minsiasak kei ding hi. Note in Jobʼ gen bangin keima thu a manin na gen kei uh hi,” a ci hi.

JOB (Job) 35:12

Amaute migilo mi kihisakte ahih manun, huh ding a nget hangun Pasian in pia lo hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.

Jeremiah 11:11

Tua ahih ciangin Topa in kong cih in ah, en un, a pelh theih loh uh gimna amauʼ tungah ka tungsak dinga, kei kiangah a hong kap liang uh zongin ka dawng nawn kei ding hi.

Isaiah 58:9

Tua ciangin nong thungetna uh kong pia dinga, nong sap uh ciangin kong dawng ding hi. Mi bawlsiatnate khawlin, mi simmawhna le kam gilo na paunate uh na khawl uh a,

Late 143:10

Keima Pasian na hih manin nangma deih bangin a gamta dingin kei hong hilh in. Kei hong hehpih inla, lam phei ah hong kha in.

Piancilna 20:7

Tua ahih ciangin tu-in mipaʼ zi piakik in. Bang hang hiam cih leh amah, kamsang khat hi a, amah in nang adingin thu hong ngetsak dinga, nang na nungta ding hi. Ahih hangin nang in tua numei na piakkik kei leh nang le na mi khempeuh na sih taktak ding uh thei in,” a ci hi.

Piancilna 19:29

Pasian in kuam sunga khuapite a suksiat lai-in, amah in Abraham phawk a, amah in Lotʼ teenna khuapite a suksiat ciangin tua bang a suksiatna sung panin Lot sawl khia ahih manin a suakta ahi hi.

Late 106:23

Tua ahih ciangin amaute a suksiatna ding a hehna panin a hei khia dingin Pasianʼ mai ah ama teelpa Moses ding hikeileh amaute ka susia ding hi, amah in ci hi.

Late 99:6

Moses le Aaron ama siampi hi uh a, amah a biate lakah Samuel zong a kihel hi. Topaʼ tungah amaute kiko uh a, amah in amaute a dawng hi.

Late 40:8

Nangma deih bang hihna ah nuam ka sa hi, ka Pasian aw. Nangma thukham ka lung sungah om hi,” ka ci hi.

Hebru 10:7

Tua ahih manin, ‘Thukham laibu sungah keima thu a kigelh bang teekteek mahin keima hih ding nong deih bang teekteek mah ahih dingin ka hong pai hi, Pasian aw,’ ka ci hi,” a ci hi.

Thu-hilhkikna 1:45

Note hong ciahkikin Topaʼ mai ah na kap uh hi. Ahih hangin Topa in na aw uh hong ngai loin, a bil zong hong ngat lo hi.

JOB (Job) 35:13

Ngetnget, gengen, a phattuamna bangmah om lo hi. Vanglian Pasian in na mu lo, na ngai lo hi.

Johan 9:30

Tua ciangin mittaw ngei pa in, “Amah in kei khua hong musak thei napi, amah koi pan a hong piang ahi hiam cih na theih loh uh lamdang mahmah hi.

Johan 9:32

Leitung piancil a kipanin pianpih mittaw khua a musak thei a om lam kiza ngei nai lo hi.

Johan 11:22

Tu nangawnin na nget peuhpeuh Pasian in hong piak ding ka thei hi,” a ci hi.