Johan 9:10 - Tedim Bible Revision 2017

¹⁰ amaute in, “Tua pa na hih leh bangci-in khua mu theikik na hi hiam?” ci-in a dong uh hi.

Tedim Bible

¹⁰ Tua ahih ciangin amau in, “Tua ahih leh, na mittang bangci-a hong vak ahi hiam?” a ci uh hi.

Johan 9:10 Referans Kwoze

1 KORIN MASA 15:35

Mi pawl khatte in, “A si sa mite bangci thawhkik dinga, bang pumpi tawh thokik ding ahi hiam?” ci kha thei hi.

Johan 9:26

Tua ciangin amaute in, “Amah in nang bang hong cih a, na mit khua hong bangci muhsak ahi hiam?” ci-in a dot uh ciangin,

Johan 9:21

Ahi zongin bangci-in khua mukik thei hiam cihna le kua in khua mu theisakkik hiam cih thu ka thei kei uh hi. Amah naupang hi nawn lo ahih manin a mahmah dong le-uhcin hong gen thei ding hi,” ci-in a dawng uh hi.

Johan 9:15

Farisi mite in tua mipa in khua a muh theih kikna zia thu dong leuleu uh hi. Amah in, “Tua mipa in ka mitah buan hong nuh a, ka mai ka phiat leh khua ka mu theikik hi,” a ci hi.

Johan 3:9

Tua ciangin Nikodemas in, “Hih thu bangci pian theih mawk ding ahi hiam?” ci-in a dot ciangin

Marka 4:27

Khaici vawhpa zanin ihmu a, zingsangin tho-in sunin a nasep ngei teng a sem hi. Tua kikal sungin a khaici na po-in na khang a, ahi zongin tua a khan theihna zia amah in a thu thei lo hi.

Thuhilh-sia 11:5

Nupi gai khat sungah nuntakna thak bangci kipat hiam, ci-in na theih zawh loh mah bangin na khempeuh a bawl Pasianʼ nasepna na thei zo ngei kei ding hi.

Jeremiah 36:17

Tua ciangin Baruk kiangah, “Hih thute khempeuh bangci at na hi hiam? Jeremiah in hong sit ahi hiam?” ci-in a dong uh hi.

Johan 6:1

Tua khit ciangin Tiberias zong a kici Galilee Tuili gal khat lamah Jesu a pai hi.

Johan 9:9

Mi pawl khat in, “Amah hi mah hi,” ci uh a, ahi zongin pawl khat in, “Amah hi lo hi; a kisun lel ahi hi,” a ci uh hi. Ahi zongin amah in, “Kei pen tua mipa ka hi hi,” a cih ciangin

Johan 9:11

Amah in, “Jesu a kici mi khat in a cil tawh buan bawlin ka mitte hong nuhsak a, ‘Siloam Bual ah pai inla na mai va phiat in,’ hong ci ahih manin kei zong va pai-in ka mai ka phiat leh khua ka mu theikik hi,” ci-in a dawng hi.