Johan 8:7 - Tedim Bible Revision 2017

⁷ Amaute in Jesu kiangah dong teitei uh ahih manin amah zong dingin amaute kiangah, “Note lakah mawhna a nei het lopa in deng masa un,” a cih khit ciangin,

Tedim Bible

⁷ Amaute in a dot sawnsawn uh ciangin ding a, “Note lakah mawh nei lo mi khat in numei suang tawh deeng masa hen,” a cih khit ciangin,

Johan 8:7 Referans Kwoze

Kolose 4:6

Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Mangmuhna 2:16

Tua ahih manin na mawhna panun kisikkik un. Na kisik kei uh leh note kiangah kei hong pai baihin, ka kam panin a pusuak namsau tawh amaute ka do ding hi.

Mangmuhna 19:15

Minam dangte a zawh gawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasianʼ heh mahmahna tawh leenggah cilna ah leengtui a suk khia ding hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Johan 7:46

Palikte in, “Hih mipaʼ thugen bangin a gen kuamah om nai lo hi,” a cih uh ciangin

Jeremiah 23:29

Ka kammal pen mei tawh ahi a, suangtum a satnen zo sek tawh ahi zongin kibang hi lo ahi hiam, Topa in kong ci hi.

Paunak 12:18

Ngaihsun lo-a kampauna in tem hiam bangin mi liamsak thei a, mipilteʼ kampauna in tua bang liamna damsak thei hi.

Johan 8:8

kunin leilak a gelh leuleu hi.

Johan 8:10

Tua ciangin Jesu khuadak to-in numei kiangah, “Numei aw, amaute koi lai tung khin uh ahi hiam? Nang mawhsakin thu hong khen ding kuamah om nawn lo ahi hiam?” a cih ciangin