Johan 8:59 - Tedim Bible Revision 2017

⁵⁹ Tua bang a cih ciangin amaute in amah a den nading suang tawm uh a, ahi zongin biakinn sung panin Jesu a gel khia hi.

Tedim Bible

⁵⁹ Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Johan 8:59 Referans Kwoze

Johan 11:8

a nungzuite in, “Sia aw, zan mah deuhin Judea gam mite in nang den lup hong sawm uh ahih manin tua gamah paikik sawm na hi hiam?” a cih uh ciangin

Siampi Laibu 24:16

Topaʼ min a gen sia mipa kithat ding hi. Mihonte khempeuh in amah deng lum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

Sawltak 7:57

Ahi zongin amaute in a bil uh hum sanin nakpi takin kiko-in Stefen bawhhuan uh a,

Johan 18:31

Tua ciangin Pilat in, “Jerusalem khua-a om no Jew mi uliante mah in paikhiatpih unla, nomau Thukham tawh kizui-in ama tungah thu khen un,” ci-in a gen ciangin Jew mite in ama kiangah, “Kote in mi thah theih nading thu ka nei kei uh hi,” ci-in a dawng uh hi.

Johan 12:36

Khuavak mite na suah theih nadingun khuavak na neih hun sungun tua khuavak um un,” a ci hi. Jesu in hih thu teng a gen khit ciangin pai khia-in amaute kiang panin a bu hi.

Johan 11:54

Tua ahih manin Judea gam sungah a kilangin Jesu khualzin nawn lo a, amah pai khia-in sehnel gam gei-a om Efraim a kici khua ah tungin tua lai ah a nungzuite tawh a om hi.

Johan 5:13

Ahi zongin tua munah mi tampi om a, Jesu paikhia ziau ahih manin cina damkik pa in amah a damsak kua ahi hiam, cih a thei kei hi.

Luka 24:31

Tua laitakin a hak tawm bangin Jesu ahih lamtak mu-in thei uh a, ahi zongin amauʼ muhna panin Jesu a mang pah hi.

Piancilna 19:11

Amaute in inn kongkhak ah a om mi a lian a neute a mit uh tawsak uh hi. Tua ahih ciangin kongkhak a zawtzawt hangun mu zo lo uh hi.

1 SAMUEL MASA 30:6

David nakpi takin lungkham hi. Bang hang hiam cih leh mi khempeuh a tanu a tapate uh hangin lungsim sia uh ahih manin amaute in suang tawh amah den ding gen uh hi. Ahih hangin Topa a Pasian in David tha khauhsak hi.

Mattiu 12:14

Ahi zongin Farisi mite paikhia uh a, Jesu a thah theih nading uh vai a hawm uh hi.

Johan 9:1

Tua bangin Jesu a paikhiat ciangin a pianpih mittaw mi khat a mu hi.