Johan 8:58 - Tedim Bible Revision 2017

⁵⁸ Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

Tedim Bible

⁵⁸ Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Johan 8:58 Referans Kwoze

Paikhiatna 3:14

Pasian in Moses kiangah, “Keimah in Keimah ka hi hi,” ci hi. Tua ciangin Pasian in, “Israel mite tungah hih thu genin, ‘Keimah a kici pa in note kiangah kei hong sawl hi,’ ci in,” a ci hi.

Kolose 1:17

Na khempeuh khat beek a om ma-in amah om khinta a, amah tawh a kipawl manin na khempeuh ama mun sansan ah hoihtakin a om thei hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei sim loh pasian dang om lo hi.

Mangmuhna 1:8

A beisa hun, tuhun le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Hebru 13:8

Jesu Khris pen zani, tu ni, a tawntungin kibang ngitnget hi.

Johan 17:24

Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Isaiah 48:12

Jakob aw, ka thu ngai in. Kong sap Israel-te aw, ka thu hong ngai un! Kei pen amah ka hi a, kei pen a masa hi-in, kei pen a nunung zong ka hi hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik paʼ thugen in:

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Isaiah 43:13

“Kei pen Pasian ka hi a, a kipat cil a kipanin zong kei pen Amah ka hi hi. Keima khut sung panin a la khia zo kuamah om lo hi. Keima sepnate, a kua in hong khaktan zo ding ahi hiam?” a ci hi.

Isaiah 46:9

Hun lui thute phawk un; bang hang hiam cih leh kei pen Pasian ka hi a, a dang om lo hi. Kei pen Pasian ka hi a, kei tawh a kibang a dang om lo hi.

Isaiah 44:8

Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei sim loh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Johan 8:34

Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

Johan 8:24

Kei pen, ‘Kei ka hih lam na hong up kei uh leh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 10:25

Jesu in, “Hong gen khin napi ing-in Topa ka hihna thu na hong um kei uh hi. Ka Paʼ thu tawh na ka septe in hong kilangsak khinzo hi.