Johan 8:37 - Tedim Bible Revision 2017

³⁷ Note pen Abrahamʼ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Tedim Bible

³⁷ Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Johan 8:37 Referans Kwoze

1 KORIN MASA 2:14

Ahi zongin Kha Siangtho a nei lo mite in Pasianʼ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau adingin a haihuai thu khat ahi lel hi.

ROM (Romans) 9:7

Abrahamʼ suanlekhak khempeuh zong Pasianʼ tate hi kim lo hi. Pasian in Abraham kiangah, “Na ta Isaacʼ suanlekhakte bek nangma suanlekhak-in kisim ding hi,” ci hi.

Johan 7:1

Tua khit ciangin Galilee gam sungah Jesu zin kawikawi hi. Jerusalem khua-a om Jew mi uliante in amah that nuam uh ahih manin Judea gam sungah zin nuam nawn lo hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesu a gel khia hi.

Sawltak 13:26

“Abrahamʼ suan ka behte le Pasian a bia Gentail mi khempeuh aw, hih hotkhiatna thu pen eite adingin Pasian in a hong puak ahi hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 11:53

Tua ahih manin tua hun a kipanin Jesu a thah theih nadingun a vaihawm uh hi.

Johan 7:19

Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 8:6

Hih bangin a dot uh ciangin Jesu a mawhsak theih nadingun a thangsiahna uh ahi hi. Jesu zong kun suk a, a khutme tawh leilak a gelh hi.

Johan 7:25

Jerusalem khuami pawl khat in, “Thah dingin a sawm pa uh hih pa hi lo ahi hiam?

Johan 5:44

Pasianʼ pahtak theih nading hanciam nuam loin, note khatlekhat na kiphat theih nading uh a hanciam miteʼ thugen, a bang hangin um zawsop na hi uh hiam?

Mattiu 13:15

Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Johan 8:33

amaute in, “Kote Abrahamʼ suanlekhakte ka hi uh a, cikmahin kuama salin ka omngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Johan 8:56

Noteʼ pupi Abraham in keima hun a tun ding lawp mahmah a, amah in tua hun mu-in nuam mahmah hi,” ci-in a dawng hi.

1 JOHAN MASA 2:14

Pate aw, note tungah lai ka hong gelhna pen a kipat cil a kipanin a na om pa na theihna hang uh ahi hi. Tangvalte aw, note tungah lai ka hong gelhna pen note na lungsim uh thahatin, Pasianʼ thu zui-in, Dawimangpa zo khin na hihna hang uh ahi hi.