Johan 8:33 - Tedim Bible Revision 2017

³³ amaute in, “Kote Abrahamʼ suanlekhakte ka hi uh a, cikmahin kuama salin ka omngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Tedim Bible

³³ Tuate in, “Kote in Abraham’ suante ka hi uh hi. Cikmah hunin mi’ sila-in ka om ngei kei uh hi. Note hong suaktasak ding hi, bang hangin ci na hi hiam?” ci-in a dong kik uh hi.

Johan 8:33 Referans Kwoze

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Johan 8:39

Amaute in, “Koteʼ pa Abraham ahi hi,” ci-in a dawn uh ciangin Jesu in, “Abrahamʼ tate taktak hi le-uhcin Abrahamʼ gamtat bangin na gamta ding uh hi.

Johan 8:37

Note pen Abrahamʼ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Piancilna 15:13

Tua ciangin Topa in Abram kiangah, “Na suan na khakte amauʼ leitang ahi lo gam dangah salin om ding uh a, tua lai ah amaute kum za li sung nakpi takin gimna thuak ding ahihna thu a kitel theihna thei in.

Johan 19:25

Jesuʼ singlamteh gei ah ama nu; ama nu no ahi, Klopasʼ zi Mary; le Magdala khuami Mary a ding uh hi.

Ezra 9:9

Kote pen sal ka hi takpi uh hi; ahi zongin ka salsuahna uh ah ka Pasian un nong nusia kei a, koteʼ Pasianʼ biakinn puahkikin ka dinsakkik theih nading uh le Judah le Jerusalem ah kidalna kulh ka neih theih nadingun kipat thakna na hong piak theih nadingin Persia kumpite ko tungah a thunuam dingin nong bawlsak hi.

Thukhente 4:3

Tua ciangin Israel mite huhna a ngen dingin Topaʼ tungah a kiko uh hi. Bang hang hiam cih leh amah in sikleeng za kua nei a, Israel mite kum sawm nih sung nakpi takin gim a pia hi.

Thukhente 3:8

Tua ahih ciangin Israel-te tungah Topa sin so a, amah in Mesopotamia kumpipa Kushan-rishathaim tungah amaute a pia hi. Israel mite in Kushan-rishathaimʼ na kum giat sung a sem uh hi.

Thukhente 2:18

Topa in amaute adingin thukhente a khansak sialin Topa in thukhente huh a, thukhenteʼ nuntak sung tawntung a galte uh khut sung panin amaute hon hi. Bang hang hiam cih leh amaute a gimsak a nengniamteʼ hangin amauʼ tauna in Topaʼ hehpih nading piangsak hi.

Siampi Laibu 25:42

Bang hang hiam cih leh amaute pen Egypt gam panin ka paikhiatpih keima nasemte hi a, amaute sila-in kizuak lo ding hi.

Luka 3:8

Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

ROM (Romans) 9:7

Abrahamʼ suanlekhak khempeuh zong Pasianʼ tate hi kim lo hi. Pasian in Abraham kiangah, “Na ta Isaacʼ suanlekhakte bek nangma suanlekhak-in kisim ding hi,” ci hi.