Johan 8:29 - Tedim Bible Revision 2017

²⁹ Kei a hong sawl paʼ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Tedim Bible

²⁹ Kei hong sawlpa in kei tawh a omkhawm hi. Amah in kei hong nusia kei ding hi. Bang hang hiam na cih uh leh, ama deihna bangin ka hih tawntung hi,” a ci hi.

Johan 8:29 Referans Kwoze

Johan 6:38

Bang hang hiam cih leh keima ut bangin a sem ding hi loin kei hong sawl paʼ deihna bangin a sem dingin vantung panin a hong pai ka hi hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 15:10

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Johan 5:30

“Keima thu guak tawh ka hih theih bangmah om lo hi. Pasianʼ hong genna bang bekin thu ka khen hi. Keima ut bangin sem loin kei hong sawl paʼ deih bangin sem ka hih manin ka thukhenna thuman hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Johan 8:16

Mi mawhsakin thu a khen hi ta mah leng zong, a thukhen pen kei bek hi loin kei a hong sawl Pa Pasian le keimah in a khen khawm ka hih manun ka thukhennate a man taktak ahi hi.

1 JOHAN MASA 2:1

Ka itte aw, note na khialh khak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesu Khris i nei hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasianʼ thu a kicingin ka gen theih nadingin thahatna a hong pia hi. Tua ahih manin sih nading thukhenna pan hong suaktasak hi.

Johan 14:31

Ahi zongin leitung mite in Pa Pasian ka itna thu a theih nadingun Paʼ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a la khia ding, thong sung a mialna munah a tu mite a la khia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Isaiah 42:21

Topa pen a hon khia nuam mahmah Pasian hi a, ama thuhilhnate limtakin a kizuih ding a deih hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.