Johan 8:15 - Tedim Bible Revision 2017

¹⁵ Thu a thei lopi-in kei na hong mawhsak uh hi; ahi zongin keʼn kuamah ka mawhsak kei hi.

Tedim Bible

¹⁵ Note in si leh sa khen bangin thu na khen uh a; kei in kuamah thu ka khen kei hi.

Johan 8:15 Referans Kwoze

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingteʼ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.

Johan 12:47

Ka thugenna za napi-in a zui lo mite tungah thu ka khen kei ding hi. Leitung mite mawhsakin thukhen dingin a hong pai ka hi kei a, a hon khia dingin a hong pai ka hizaw hi.

Johan 7:24

A tungtham a kimu nate siksanin thu khen kei unla, thu taktak siksanin thu khen zaw un,” a ci hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 18:36

Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

1 KORIN MASA 2:15

Kha Siangtho a nei mite in na khempeuh theithei uh a, ahi zongin leitung mite in bangmah thei lo uh ahih manin a lungmang uh hi.

ROM (Romans) 2:1

Tua ahih ciangin midangteʼ thu a khen note pen kuakua hi ta le-uhcin na suakta tuan kei ding uh hi. Midangte na mawhsakna uh thute mah note zong gamta veve na hih manun, no zong a mawh mah na hi uh hi.

Johan 8:11

numei in, “Topa aw, kuamah in thu hong khen lo hi,” ci-in a dawng hi. Tua ciangin Jesu in, “Kei zong nang tungah thu kong khen kei hi. Ciah inla, mawhna bawl nawn kei in,” a ci hi.)

Amos 5:7

Thutang lumletin thuman mite lei a denna, note adingin bangzahin nasia ding ahi hiam?

Jeim 2:4

mi a deidan na hi uh a, ngaihsutna hoih lo nei-in a gamta na hi uh hi.

Luka 12:14

Ahi zongin Jesu in a mipa kiangah, “No unauʼ gamh a hawm dingin kua in kei hong seh ahi hiam?” ci-in a dawng hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kilehhei-in, migilote in thuman mite zo zawsop hi.

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hi napi-in note in thutang pen gu na suaksak uh a, thuman pen a khial na suaksak uh hi.

2 KORIN NIHNA 5:16

Tua ahih manin kote in mihingteʼ ngeina zia tawh kuamah ka en nawn kei uh hi. Khris mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.