Johan 7:7 - Tedim Bible Revision 2017

⁷ Leitung miteʼ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Tedim Bible

⁷ Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Johan 7:7 Referans Kwoze

Johan 3:19

Tua bangin mawhsak thukhenna a thuakna uh a hang in: Leitungah khuavak hong tung khin napi-in a gamtatna uh hoih lo ahih manin leitung mite in khuavak sangin khuamial deih zaw uh hi.

Galati 4:16

Note kiangah thuman ka hong genna hangin kei a hong galbawl na hi uh hiam?

1 JOHAN MASA 4:5

Kamsang a kineihkhemte in leitung thu gen uh a, amaute pen Pasian a thei lo hih leitung mite tawh kipawl uh ahih manin leitung mite in amauʼ thugen a ngai uh hi.

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

ROM (Romans) 8:7

Mi khatpeuh in ama pumpi deihna a ki-uksak ciangin Pasianʼ thukhamte zui lo ahih manin Pasianʼ gal suak a, a zuih nop hangin zong zui thei lo hi.

1 KUMPI MASATE 21:20

Ahab in Elijah a muh ciangin, “Ka galpa aw, kei hong mu na hi hiam?” a ci hi. Amah in dawngin, “Topaʼ muhna ah a sia a gamta dingin nangmah kipiatawm na hih manin nang kong mu hi.

Jeremiah 20:8

Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topaʼ kammal ka gen khiatna hangin nisimin simmawhna le zahpihna ka thuak lawh hi.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

Luka 6:26

“Mi khempeuh in note hong pahtakbawl ciangin gimna a thuak ding na hi uh hi. Bang hang hiam cih leh a pu a pate un zong tua bangmahin kamsang zuaute a pahtakbawl uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlahʼ tapa Mikaiah a kici mi khat om lai hi. Ahih hangin amah in keiʼ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

Late 109:5

Tua ahih ciangin amaute in hoihna adingin siatna itna adingin muhdahna tawh kei hong thuk uh hi.

Siampi Laibu 13:10

Siampipa in vel dinga, a vun sungah a bawk kang omin, tua in a multe kangsakin a bawk sungah ma thak a om leh,