Johan 7:45 - Tedim Bible Revision 2017

⁴⁵ Tua ciangin siampi liante le Farisi mite kiangah palikte a va ciahkik uh ciangin, “Bang hangin amah hong kai lo na hi uh hiam” a na ci uh hi.

Tedim Bible

⁴⁵ Tua ahih ciangin palikte, siampi liante leh Farisaite kiangah a ciahkik uh ciangin tuate in, “Bang hangin hong paipih lo na hi uh hiam?” ci-in a dong uh hi.

Johan 7:45 Referans Kwoze

Johan 7:32

Hih bangin mihonpite a kihona thu Farisi mite in za uh ahih manin amaute le siampi liante in Jesu a man dingin biakinn cing palikte pawl khat a sawl uh hi.

Mattiu 26:58

Peter in siampi lianpen paʼ inntual ciang dong Jesuʼ nung gal zuih a, bang thu a piang hiam cih a theih nadingin inntual ah palikte kiangah a om hi.

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Johan 11:46

Ahi zongin amaute pawl khat Farisi mite kiangah pai-in Jesuʼ sep nate a va ko uh hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bang cih ding ihi hiam?