Johan 7:14 - Tedim Bible Revision 2017

¹⁴ Pawi kham hunsung alang bang a bei khit ciangin biakinn sungah Jesu lutin thuhilh ding a kipan hi.

Tedim Bible

¹⁴ Pawikhamna a kimkhat a bawl lai takun, Zeisu biakna innpi-ah paito-a thu a hilh hi.

Johan 7:14 Referans Kwoze

Johan 7:28

Tua ahih manin biakinn sungah a gen mah bangin mi khempeuh zakin gen khia a, “Kei hong thei tel taktak a, ka hong pian khiatna mun a thei takpi mah na hi uh hiam? Keima thu tawh a hong pai tawm ka hi kei hi; kei a hong sawl a thuman pa a thei lo na hi uh hi.

Luka 19:47

Jesu in nisimin biakinn sungah thu a hilh hi. Siampi liante, Thukham hilh siate le upate in amah that nuam uh hi;

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Johan 8:2

Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Johan 7:37

Pawi bei ni ding pen a thupi pen ni hi a, tua ni-in mihon lakah Jesu dingin nakpi takin kiko a, “A dangtak na om uh leh ka kiangah hong pai unla tui hong dawn un.

Johan 7:2

Jew miteʼ Buk Pawi hun hong nai ta ahih manin,

Johan 5:14

Tua khit ciangin Jesu in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a sia zaw khat na thuak ding hi,” a ci hi.

Mattiu 26:55

Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Mattiu 21:12

Tua ciangin Pasian biakna innpi huang sungah Jesu lut a, tua sungah van zuak van lei-a a om mi khempeuh a hawl khia hi. Sumkhek nasemin a om miteʼ sabuai le vakhu zuakteʼ tutnate a lumletsak gawp hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Gamlak-vakna 29:17

“A ni nih ni-in bawngtalno sawm le nih, tuutal nih le kum khat a pha tuuno a pa sawm le li, a vekpi-in a sitbaang lo,

Gamlak-vakna 29:20

“A ni thum ni-in bawngtal sawm le khat, tuutal nih le kum khat a pha tuuno a pa sawm le li, a vekpi-in a sitbaang lo,

Johan 8:20

Jesu in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.