Johan 6:69 - Tedim Bible Revision 2017

⁶⁹ Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Tedim Bible

⁶⁹ Nang in nuntak tawntungna thu na nei hi. Nangmah in Pasian’ misiangtho na hi ci-in kote in umin ka thei uh hi,” a ci hi.

Johan 6:69 Referans Kwoze

Johan 11:27

“Ka um hi, Topa aw; leitungah a hong pai ding Pasianʼ Tapa, Khris na hihna thu ka um hi,” ci-in a dawng hi.

Luka 9:20

Tua ciangin Jesu in, “Tua ahihleh note in kei kua hi, hong ci na hi uh hiam?” ci-in a dong hi. Tua ciangin Peter in, “Nang pen Pasianʼ Khris na hi hi,” ci-in a dawng hi.

Marka 8:29

“Tua ahihleh note in kei kua hi, nong ci uh hiam?” ci-in amaute a dot ciangin Peter in, “Nang pen Khris na hi hi,” ci-in a dawng hi.

1 JOHAN MASA 5:1

Jesu, Khris hi, ci-in a um mi khempeuh Pasianʼ tate hi a, pa a it mi peuhmah in a ta zong a it hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

ROM (Romans) 1:3

Tua thu pen eiteʼ Topa Jesu Khris ahi ama Tapaʼ thu ahi hi. Tua Tapa pen leitung si le sa lam panin Davidʼ suan hi a,

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 1:41

A zing ciangin a u Simon zong pahin ama kiangah, “Messiah ka mu zo uh hi,” a ci hi. Tua pen Khris a cihnopna ahi hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Marka 1:24

“Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Sawltak 8:36

Lampi ah a pai laitakun tui omna mun tung uh a, mangpa in, “Hih lai ah tui om hi. Tui kiphum nuam peuh leng kuaʼn hong kham thei ding ahi hiam?” a ci hi.

Marka 1:1

Pasianʼ Tapa Jesu Khris tawh kisai Lungdamna Thu hih bang ahi hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasianʼ Tapa ka hi hi,’ ka cih ciangin bang hangin Pasian simmawh bawl hong cithei na hi uh hiam?

Efesa 4:13

Tua hileh Pasianʼ Tapa i theihna le i thu upna ah kithukhatin, eite a khang cing suakin, Khrisʼ cingtaakna ciang i ban to ding hi.

1 JOHAN MASA 4:16

Tua hi a, Pasian in eite a hong itna thu, eite mahmah in thei-in i um hi. Pasian pen ki-itna hi a, itna a nei mite pen Pasian tawh om khawm uh a, Pasian zong amaute tawh a om khawm hi.