Johan 6:66 - Tedim Bible Revision 2017

⁶⁶ Hih bangin a thugenna hangin a nung a zui a thu ngai mi tampi kilehkikin Jesu zui nawn lo uh hi.

Tedim Bible

⁶⁶ Tua-a kipanin ama nungzui tampite in Zeisu tawh kipawl nawn loin a kihei kik uh hi.

Johan 6:66 Referans Kwoze

Luka 9:62

Jesu in ama kiangah, “Bawng lokhawhna len kawmin a nung lam a en mi pen Pasianʼ Ukna tawh kituak lo hi,” ci-in a dawng hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uh leh tua mite tungah ka lungkim kei ding hi,” na ci hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zui zo ding ahi hiam?” a ci uh hi.

2 TIMOTI NIHNA 4:10

Demas in hih leitung thu kin zaw ahih manin kei hong nusia-in Thesalonika khua ah a pai hi. Kresen, Galatia gamah pai a, Titus, Dalmatia gamah pai hi.

Johan 8:31

Tua ahih manin amah a um Jew mite kiangah Jesu in, “Ka thuhilhnate na zuih paisuak nak uh leh ka nungzui taktakte na hi ding uh hi.

2 TIMOTI NIHNA 1:15

Na theih sa bangin Asia gam sunga om mi khempeuh in kei hong nusia uh a, tuate lakah Figelas le Hermogenes te zong kihel uh hi.

Mattiu 19:22

Tangvalpa in hih thu a zak ciangin, amah hau mahmah ahih manin, mai khingin a paikhia hi.

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Zefaniah 1:6

Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Johan 2:2

Jesu le a nungzuite zong tua pawi ah a kisam hi.

Johan 7:3

ama sanggamte in Jesu kiangah, “Na nung hong zui mihonte in na nasepna a muh theih nadingun hih lai panin pai khia-in Judea gamah va pai in.